[A:674]bzhin du gzhung bla sogs kyi srol bzhin rdo brdar ma dang sur sna bzhes pa 'di nyid la 'cham gzigs dang dus mnyam tsam la byung ba 'dra ba 'di dag gis kar gsar rnying sogs la kho ba'i brdung tshul rnams/ 'ga' re gzhung bla sogs dang mthun zhing la la mi mthun pa yod pa 'di rnams dang / rgyun gtan bsgral las sogs la brdung ba'i brdar ma drag brdung 'di rnams sogs mang po rig bcos lta bus bzo gnang las gzhan la cher ma grags sam snyam mo/ /de bzhin du ban tshang pa tshes mchod gtong res 'di bzhin kyang / snga dus rtsa rgyud brtag gnyis rgyud 'don dang / dgong mo nang mchod dam bdud rtsi gtong lugs da lta bzhin mdzad pa zhig yod 'dug pa sku thog 'di nas byang gter thugs sgrub kyi tshes bcur bsgyur gnang gis gdangs dbyangs rol mo gsol 'debs le'u bdun ma'i gdangs bcas skyabs mchog rang nas gsar bcos mdzad pa dang / 'di ni gzhung las/ khye'u pha ma 'bod 'dra'i gdung dbyangs laH pi waM gling bu'i gdangs ltar snyan pa yiH nyin tshan dus drug rnams su gsol ba thobaH gsungs pa la dpag na 'di 'dra zhig rang yin dgos pa don du skyabs mchog de nyid o rgyan dngos sam/ rnam sprul du gong bshad bzhin mdzad pa 'di dag gis rtogs nus so/ /gzhan chos 'di'i 'byung khungs rdo rje brag sogs su'ang le'u bdun ma'i gdangs yod skad ma thos/ sngon gsang sngags pho brang zhes pa sngags 'chang grags pa blo gros kyi gzim spyil yin 'dug pa/