[A:676]gyi slob dpon mang du gnang ba dang / chu byi lo mjug yab rje rdo rje 'chang padma'i mtshan can nyid cung zad sku snyung tshul bzhes par/ zhabs rim mang du sgrub par mdzad de/ zhabs brtan rdo rje'i re kha dang bcas zhabs pad yun brtan gyi gsol btab mdzad pa lo gcig zhal bzhes mdzad cing / phyi lo chu glang yongs grags kyi dgung grangs re gnyis dang nag rtsis pa'i lugs ltar na re gsum du phebs pa shing stag 'go zla'i nyer gnyis la dag zhing du gshegs pa dgongs rdzogs mdzad tshul rnams gong yab rje mchog gi lo rgyus rnam thar bzhin no/ /de nas shing yos lor gor bod sde gzar byung zhing / 'di phyogs bod dmag yar bskyod rnams kyi dmag lam khel ba dang / rang zhabs rnams la 'don dmag rtsam skyel sogs du ma gal ba/ bdag nyid chen po nyid nas chos srung rnams la bskang 'phrin dmag bzlog sogs mang du gnang bas ring min nas bal bod gnyis chings don legs 'grig gis/ mnga' zhabs sogs 'gro ba rnams ngan 'gro'i du khaHlas thar ba lta bur gyur to/ /lo snga phyi 'di rnams su bdag cag gi ston pa grong khyer ser skyar gshegs pa na rgyal po zas gtsang gi mnga' 'bangs rnams la gra khral bcas pa ltar/ bdag nyid chen po 'dis kyang mnga' zhabs rigs rus gtsang ldan rnams rab tu byung ste skal ldan gyi gdul bya rnams nges 'byung gi 'byor pa dang ldan par mdzad pa dang / mdo sngags so so'i nyams len