[A:65]'chol ba/ bzhi pa ni bsam pa tshim pas rtogs pa rgyud la skyes pa/ lha dang bla ma gdams ngag bcas par gzhan rkyen gyis 'phrog mi nus pa'i mos gus rgyud la skyes pa ste bzhi yin zhing / de yang snyan rgyud gsum pa'i go rim ma 'chol ba zhes par/ 'brel ma brtags par dbang mi bskur/ dbang (ma)bskur bar gdams ngag mi 'chad/ de ma bshad par gzhung mi sbyin/ de ma sbyin par sgrub pa'i lung dang gsang ba bcu gnyis rgyas mi gdab pa/ 'khrul zad gong ma rnams kyi phyag len rnam par dag pa yin la/ khrid tshul yang rgyud dang man ngag gi dgongs pa mthun par/ lam thun mong bas rgyud sbyangs nas sngags lam la 'jug pa'i thog mar bdag chen rdo rje 'chang chen po'i yi ge ltar brgyud pa'i khyad par gnyis ldan gyi sems bskyed/ de nas gong ma'i phyag len ltar slob ma rjes 'dzin bsags sbyang gi dmigs khrid bcas phab nas/ slob dpon gyi kha gso'i ljags bsnyen ring thun bzhir bcad pa'i bsags sbyangs dang / de grol phral smin grol gnyis kyi dang po bcom ldan 'das dges pa rdo rje lha dgu'i rdul tshon gyi dkyil 'khor chen por mus chen sems dpa' chen po'i mngon dkyil bya bral mar/ tshar chen rin po che'i lhan thabs sbyar ba'i zhal shes phyag len gyis brgyan te/ slob bshad pa'i khyad chos gzhan dang ma 'dres pa/ slob ma re re nas dbang stegs rdul tshon gyi dkyil 'khor du bzhag pa nas/ rdo rje slob dpon gyis dbang bskur ba sogs mtha' shin tu chod pa 'di skabs sbyang gzhi sbyong