[A:720]min kun la mi legs pa yong nges gsungs pa/ lcogs mgron gnyer/ mkhan tshang sde pa sogs kha btags dang bcas rgyugs te da lta phebs rogs gnang zhus yod tshod kyang / rje nyid nas da ci gnas tshul rnams cung zad bka' bkyon ring la chos skyong bzhugs gnas su shar bskyod kyis dbu btud de bka' bsgo sogs zhus tshul dang / gang bsgo ba'i las 'dug 'dres sgrub chog gsungs tshul de skabs kyi ban tshang pa sogs zhabs 'bring rdzun mi zer ba dag gi ngag las yang yang thos pa/ 'di ni chos skyong gnod sbyin chen po 'di nyid yab rje grub pa'i dbang phyug 'di nyid la shin tu dga' bas go re lan gyi zhabs tog sgrub pa'i tshul du snang / de nas lho gnas rnams la phyag mchod sbyin bdag dad can gyi re skong rnams grub nas/ gdan sar me yos lo tsam la sngon du yab rje rdo rje 'chang de nyid bzhugs skabs phal cher sgrigs tshoms grub pa bzhin/ rje btsun a lce drung sogs zhal mol gyis bdag cag rnams kyi ma lags de nyid gang gi gzung mar sngon srol bzhin gsang stabs kyis phebs te/ gza' tshes dang bstun rgyal ba tshe mtha' yas pa'i dkyil 'khor du dbang bskur ba bstsal te/ 'chi med tshe dbang rig 'dzin dpal gyi bu khrid ces mtshan gyi mnga' gsol mdzad/ 'di nyid kyi rigs rus ni lha ri rtse pa zhes sngon dus rgyal ba tsong kha pa'i yab kyi rigs rus/ mdo smad ngos nas gyar ba zhig yin par gsung rgyun du snang ngo/ /'di lo dpon slob bzod pa phun tshogs las gnyan mgon zhal