[A:723]lo nang yab rje mchog dang ma lags de nyid ban tshang pa sogs ston 'khor gang 'tsham dang bcas/ gangs ti si dang mtsho ma pham pa sogs la bskor ba dang gnas mjal sogs la phebs cing / zhar la gu ge chos rgyal dang / stod sgar dpon sogs nas kyang zhabs tog cher sgrub tshod 'dug ti si 'di rje btsun mi la bzhad pa rdo rjes yul nyer bzhi dang / gnas so gnyis mtha' dag tshang ba'i 'khor lo sdom pa'i rang byung gi pho brang shin tu byin rlabs che ba yin gsungs shing / yang bla ma gong ma 'ga' zhig gis bzhed par yul nyer bzhi'i nang tshan hi ma la ya zhes pa gangs chen gyi skad dod de bzhin yin par gsungs pa sogs sna tshogs yod kyang / sa chen gong ma lnga sogs kyi bzhed srol la ma mo gnas 'di rnams bod kyi skyes chen grub thob mang pos byin gyis rlabs shing sangs rgyas pa'i gnas yin la byin rlabs shin tu che yang / rgyal bas mdo rgyud nas gsungs pa'i gnas chen yul nyer bzhi'i nang tshan/ ri bo gangs can dang / mtsho ma dros sogs ni min/ yin na dus 'khor mngon pa mdzod sogs nas gsungs pa'i mtshan nyid ma tshang tshul gsungs pa yin te/ rab dbye las/ gangs ri gser gyi bya skyibs dang / /'dzam bu'i shing dang sa srung bu/ /glang chen lnga brgyas bskor ba dang / /dgra bcom lnga brgya bzhugs pa'i yul/ /da lta'i ti si 'di ma yin/ /ma dros rgya mtsho ma pham min/ /zhes sogs gsal bar gsungs pas shes so/ /de nas zla ba bcu pa'i nang tsam la