[A:728]rtse sogs brgyud byang phebs gnang ngam snyam zhing / phebs 'grul snga phyir gnam ru sgar dpon rtam tshing zhes pas dad 'dun rtse gcig pas nor brgya 'bul sogs phul tshul gleng / zla ba bcu pa'i nang chibs 'khor te 'di lo dgun bzhugs sgrol phor gnang / chu rta'i dpyid gong dkar sprul skus zhus ngor/ rje btsun TA ki gtso mo skal bzang chos kyi nyi mas spyi bka' rdo rje phreng ba'i dbang gnang bar/ yab rje mchog dang ngos gnyis char yod kyang sked tsam nas/ bka' dbang zhu mi'i khrod na 'ga' re nad ngan zhig yod tshul gsan thos la chos zab bdud kyi dper song ste/ dbang 'phros zhu gnang mdzad ma song / de grol nas gong sprul nas gsol btab kyis ngos dang sring mo padma 'phrin las/ gong sprul/ gu rNa sprul sku/ dpon slob blo chos phu ri bla ma bcas la yab rje rdo rje 'chang nas mgon po'i chos skor khro bcu thun mong ma yin pa'i rjes gnang srung 'khor rdo rje brag rdzong ma phyi nang gsang gsum gyi nyams khrid gur lha brgyad thun mong dang / thun mong ma yin pa lha bcu gnyis ma thun min gnyis pu tra'i zur bka'/ bran bdud thun min gnyis/ ber nag/ rtser bu rnams gyi rjes gnang / gsang khrid lha dgu'i rjes gnang / rtsa gsum 'khor lo lnga la brten pa'i nyams khrid/ mgon pod snyan brgyud glegs bam gyi lung / dud sol phyi sgrub dang / gsang sgrub gyi rjes gnang sogs bstsal ba gsang khrid skabs kha lug mkhan po yang phebs/ lo de'i zla ba bzhi pa'i tshes lnga la bdag khri