[A:745]'bul tshan rnam grangs spam mtho bar phul bar mdzad nas/ khrir bzhugs drung rang re'i 'dren chas gtong srol gsol ja 'bras sder bcas dang / de nas phyir lung rtogs rgya mtsho'i gser gdung thad du khri bcas dkar dmar spro sogs kyi gsol ston rgya spam che bar bstsal/ de nyin 'phags pa rin po che dang gser gdung khag sogs kyi gnas mjal kyang mdzad yod dam snyam/ de nas gza' tshes dge bar khri mjal dngos gzhir/ yab rje rdo rje 'chang sku mched gnyis phebs te/ sngon lam maNDal sku gsung thugs rten zhabs brtan rdo rje'i re kha rgyal srid sna bdun bkra shis rdzas brgyad sogs la gsung bshad dang bcas 'bul ba mdzad srol bzhin dang / rgya rdo bod rdo gos yug sogs kyis mtshon pa'i tshan grangs bcu phrag 'dod yon gyi grangs ldan 'bul dgos kyang 'di skabs sa gzhung mkhos zhan pas sngon du chag zhus phyed chag phyed sgrub zhus 'thus don smin byung ba bzhin 'bul gnang mdzad/ srid skyong la'ang maNDal rten gsum 'gyogs dar a she tshan grangs bcas 'bul bar mdzad nas/ gsol ston sogs mjal phyag bzhin bstsal/ de nas bzhugs mtsher du phebs nas bka' shag sogs la 'bul tshan rnams mdzod pas phul zhing gong ma chen mo'i sku tshab am ban lhan rgyas mdun sku mched gnyis char phebs te/ phar tshur rgya lugs ching ngar dang / 'bul tshan rnams bstabs te/ sa zhwa bzhes mur khyel bzhugs mdzad nas bka' mol mdzad skad 'dug de nas bstan gling srid skyong sger mjal sogs