[A:757]ces kun ngo mtshar du gyur skad/ gsol ston grol nas am ban nas drung yig kun byang mgon po la rim bzhi'i go gnas tog sgrom/ rtse phyag zhabs shar tshe bkras la rim lnga'i go gnas tog sgrom sogs sprad/ rgya lugs dang mthun pa'i thugs rje che zhus sogs bstsal zhing / gzhan yang 'di skabs bzhugs mtsher du gzhung bla brang gi sku drag dang / dbus gtsang byang 'brog pa khams sogs kyi mi phal cher 'dus pa sogs/ mjal kha zhu mkhan shin tu mang ba zam ma chad pa snga dgong thugs dam nyams bzhes gsol tshigs sogs kyi ring khyug tsam las/ gzhan bzhugs long ye nas med pa gdul bya rnams gang la gang 'dul gyi thugs dam brtag pa/ bka' bsgo/ byab khrus/ tshe dbang / chos 'brel/ gsung bsngo / sbyang chog sbyin sreg bgegs sprod sogs gang dgos kyi re ba bskangs grub nas/ kun gzigs rin po cher thon phyag zhu gnang gis slog sogs zab par phul/ srid skyong mchog nas yab rje rdo rje 'chang sku mched gnyis char gsol tshigs nang mar gdan zhus kyis lhod bzhugs thog bstan srid skor gyi bka' mol mang bar byung tshod kyang zhib par ma nges/ thon phyag sogs zhu gnang mdzad pa slog sogs kyang zab par bstsal/ de nas ring min gzhis rtse nas phebs skyel thab skyel sogs sngar bzhin gyis/ snar thang sogs la bla brang sku tshab ched mngags kyis sngon 'gro mgon chos rgyal 'phags pas gnas brtan bcu drug gdan drangs pa dngos su phebs te phyag mchod mdzad skabs