[A:761]byang du phebs thog ngos rang bka' 'brel shab bskyod bgyis te/ Ta rngi/ dge sding bcas kyi mgon khang rnams su bskang 'phrin sogs bgyis te/ dus mdos skabs gdan sar 'byor/ rgyal zla'i tshes 'gor bzhugs thab sgrol phor spo gnang gis tshes nyer lnga la da lta'i bdag yum 'di bzhin dang / mdo sras bsod nams stobs rgyal mchog sogs dpon 'khor rags 'dus sngon lam lung shes nas re sa bskor te/ lha rtse nas sa khong mthong smon du zhag dang / de nas 'di gar nam langs gong du gsang stabs kyis phebs te/ 'di ga shing bzo ba'i shag tu bzhugs/ tshes nyer brgyad la gzim cher phebs te/ yab rje rdo rje 'chang mchog nas 'phags yul gyi slob dpon chen po dzeA ta ri'i thugs bcud rgyal ba tshe mtha' yas pa lha dgu'i dkyil 'khor du dbang bskur ba bstsal te/ mtshan 'chi med kun dga' sgrol ma rigs 'dzin dpal bzang mo zhes 'dogs gnang mdzad/ rgyal srid sna bdun bkra shis rdzas brgyad sogs kyi mnga' gsol shis brjod rgyas pa thugs smon zab pa bcas stsol grub nas ngos rnams la mgul dar zab pa re bstsal/ gsang khongs su yod pa'i sa mdzod bsam lte ba/ gsol gzim sogs nas legs dar phul ba sogs zhib tshul zur du gsal/ 'di lo dbyar skyabs mchog de nyid kyi dgongs rdzogs su khyams byang du lha khang zur bcad mdzad nas/ slob dpon padma sam bha ba'i snang brnyan rin po che gnyis pa las grub pa dang / rgyab yol pad stong rnams gser zangs