[A:70]khug pa dang / brda don gsal ba'i byin rlabs/ ngag chos yig steng nas lam sbas bshad kyi byin rlabs 'og mus chen bsod nams dpal bzang las gsan pa ltar dang / man ngag gces bsdus kyi rten 'brel srung ba'i byin rlabs/ kun mkhyen bsod nams sengge'ie yi ge ltar rnam 'joms bir lugs byin rlabs/ man ngag rnam rdzogs pa'i mthar brda chig brgyud/ sgrub pa lung byin/ gsang bcu'i rgyas gdab pa'i byin rlabs/ mkhyen brtse'i zin bris steng nas gsan/ bstan pa gtad cing bka' bsgo ba mgon rkyang gi rjes gnang khyab bdag bka' 'gyur pa'i reg gzigs steng nas legs par gsan/ gzhung bshad mnyag mar sa gzhung spel ba'i bshad pa dang / lung sbyor bzhi dang sbyar ba'i rgyud rkyang man ngag gi bshad pa rnams legs pa gsan/ de rnams kyi rgyab rten du bstan bcos tshad ma dang 'brel ba'i lung thob pa'i skor la/ gsung ngag rin po che glegs bam na bza' gyi mtshan las pod ser mar grags pa rje btsun rin po che grags pa rgyal mtshan gyi dkar chag bzhin yongs su rdzogs pa'i lung dang / rje sa skya pa chen pos zhu ba so so'i ngor gsungs pa'i rnam 'dren bcu drug tsam mdzad pa las rigs sras slob dpon rin po che sku mched gnyis kyi don du mdzad pa rnam 'grel sras don mar grags rdo'i gsung byin rlabs shin tu che ba/ 'on kyang de skabs 'di'i ljags lung dngos su ma gsan gsungs/ dpal ldan bla ma dam pa bsod nams rgyal mtshan gyis mdzad pa'i na bza'i