[A:773]bzang po/ ngag dbang kun dga' grags pa blo gros/ rje btsun padma 'phrin las dang dngos grub dbang mo zung dang / rgyal ba skyed pa'i yum mchog 'chi med tshe dbang rig 'dzin dpal bzang mo/ bdag yum 'chi med kun dga' sgrol ma/ mdo sngags chos sde nyi zla zung 'brel gyi mkhan rin po che bkra shis chos 'phel/ byams pa chos bstan 'dzin sogs dang / ngor e waM chos ldan gyi mkhan rin po che ngag dbang blo gros snying po/ 'jam dpal phan bde'i snying po zung sogs/ de dus kyi mkhan zhabs phal che ba/ yar klungs dbon sprul rin po che/ nA landra'i bco brgyad khri chen ngag dbang kun dga' mkhyen rab sogs rang lugs kyi bstan 'dzin mtshan nas bgrangs su rung ba du ma dang gzhan 'dir ma 'dus pa mang du yod pa dang / gzhan yang grwa sa khag gi sprul sku dang / sde dge sa spyod pa dang / gzhung sa chen po dang bla brang sku drag mi chen du ma sogs rgyal bstan rin po che la phan pa rgya chen po bsgrubs par mdzad pa dang / rtsod pa rdo rje'i me chen gyis log rtog tshang tshing ji ltar bsreg pa'i tshul dang / rtsom pa sdebs legs tshig gi me tog gis rgyal bstan mdzes par mdzad tshul rnams sdeb gcig tu brjod na/ spyir bdag nyid chen po deng sang dus snyigs ma dmu rgod la dgongs rtsod pa dngos su mdzad pa ma mthong zhing / de bzhin ljags rtsom yang yab mes gong mas mdzad pa rnams byin che bas rgyun 'gag pa la dgongs/ gsol 'debs brtan bzhugs phran bu las ma mdzad kyang /