[A:786]rigs can bco lnga'i rjes gnang sogs gsan/ lcam phu sgrol mgon zhabs las byang gter sgrub skor gsum gyi dbang dang chos tshan nyer lnga'i lung sogs gsan/ mkhas dbang lha chen mkhan zur chos bstan 'dzin las dbyangs can sgra mdo'i sa ris/ sgra sgrub phyag len dang / snyan ngag me long ma/ sum cu pa dang / rtags 'jug sdeb sbyor rin 'byung gi phyag khrid sogs gsan/ gzhan yang sman rtsis skor rnams kyang de la sbyangs pa'i mkhas pa dag las gsan bsam sogs rgya cher mdzad nas/ rgyun du phyag bzhes kyang mdzad do/ /gsan pa de dag kyang ming rkyang tsam du ma lus pa bsnyen pa dang bsgom sgrub nyams bzhes 'chad spel sogs kyi sgo nas bstan pa'i bya ba thos bsam sgom gsum/ mkhas pa'i bya ba 'chad rtsod rtsom gsum gyi sgo nas rgyal bstan ji ltar spel tshul rnams rim bzhin brjod na/ lha chen mkhan chen bkra shis chos 'phel las dge tshul gyi bslab pa mnos par mdzad nas/ lo de'i mjug zhabs brtan lha khang dge legs rgya mtsho'i 'byung gnas pho brang du bzhugs te phyag na rdo rje 'byung po 'dul byed/ dges mdzad rdo rje/ dpal chen rdo rje gzhon nu/ rdo rje gur gyi mgon po rnams kyi gzhi bsnyen rnams mthar phyin par mdzad skabs/ rta nag sgrol phug sogs su phebs te dbang lung gnang ba sgrig lam kun spyod 'debs pa sogs mdzad skad dang / nyid kyi dgung grangs bcu phrag gcig dang nyag ma bzang po'i grangs ldan du phebs pa tsam nas bzung gdan sa 'di nyid kyi