[A:790]gzi sogs/ gsum bzhi zhig gri bton te ki sgra bton rkyen rgyal sgo sogs mnan te/ khams grwa rnams lcags ri steng shor ba mdun 'khor nas/ dmag bskul te lcags ri phyogs g.yas g.yon nas bcur bas/ khams grwa gcig lcags ri kha nas mchongs/ mi lngas rdo 'phangs rkyen dus chos su gyur ba dang / gzhan rnams bzung bkyigs kyis rgyal khrims ra bar tshud pa ni/ phur sgrub bdag khri kun bsod mchog nas gnang ba'i rjes lo der rang / 'di lo nad chen kyang byung lo bcas/ lam 'bras thog ma gnang ba po cung zad 'tshub nyams byung ba ni/ rjes su gnyis char la sku 'tshor bar chad kyi rtags su mngon pa 'dra'o/ /lcags 'brug lo kho bo rang lo bcu par phur sgrub thog mar skyod skabs phur sgrub zab ma'i slob dpon yab rje sku mched gnyis nas mdzad skabs dang / lcags sbrul dbyar lo rta nag sgrol phug phyogs phebs zhor byang phebs kyis g.yag pa dang / nag tshang tsho drug sogs kyis gdan zhus kyis gdul bya rnams kyi re ba skong bar mdzad cing / phyogs der shel tsha rgyal mangs mar grags pa sngon sa skya pa'i ring rus kyi thog mar rigs gsum mgon po'i rnam 'phrul gnam lha mched gsum nam mkha' nas gangs de nyid kyi rtse mor babs par gsungs pa dang / de nas rim bzhin rigs g.ya' spang skyes bzhugs gnas la/ deng sang yang g.ya' spang skyes su grags pa chos skyong dkar bdud lcam dral gnas pa sogs la khrus gsol rab gnas bsangs gsol gser skyems rtse