[A:793]nas bzung sa gzhung rang stobs mkhos sogs cung drag tu song ba tshang mas shes tshod yin stabs/ des na/ byang chub sems dpa'i dge slong la/ /gzhan don gyur na ltung ba med/ /zhes sogs dang / theg chen gzhan gyi don yod na/ /'dod chen ltung ba med ces gsungs/ /zhes gsungs pa ltar theg pa chen po sor thar rigs bdun gang yin yang rang 'dod kyi 'khri ba med par gzhan don rgyal sras kyi spyod par gyur na/ pham ltung ma 'byung ba'i khar bskal pa mang po'i tshogs bsdum par gsungs pas so/ /gang ltar 'di lo zhabs ltar zhig lhar bzhugs te/ chu lug rgyal zla'i tshes 'gor gzhi thog tu phebs tshul sogs phal cher gong yab rje bzhin dang / 'di lo dbo zla'i nang sku mched a lce drung rje btsun skal bzang chos sgron zhal ma bzhugs par snyun skabs dang dgongs rdzogs sogs sgrub par zhabs lhar phebs shing / de nas 'cham gzigs skabs sgrol phor phebs bzhugs bka' drin bskyangs te/ yab rje mchog nas kho bo sogs la gur mgon chos skor sogs gnang skabs/ gcung po khu dbon rin po che nyid nas 'di lo dus mdos chen mo zab res dang / khri phebs sogs snga phyi'i deb rnying rnams dang / nye dus bdag khri gong ma rdo rje rin chen sogs sku mched gsum phebs skabs lam deb sogs go sgrig gis thugs brel dang / dbu che chos bzang nas sngon dus gong dkar rdo rje gdan pa kun dga' rnam rgyal gyi gzigs snang du 'khrungs pa'i 'cham tshul rnams kyi 'cham yig rnying ma