[A:796]tshe dbang rjes gnang / khrus gsol rab gnas sogs/ bla brang yas mas sogs kyi re skong la so so nas dngos 'bul kyang zab bar byung / lha ldan du gzhung sa chen por 'tshams 'bul ba gtong gnang mdzad pa/ rgyal khab chen po nas gzigs bzos thug med kyis mtsher khang / sne shan sogs bkas bsgyur/ 'phan po sgo la brgyud de phebs pa lha ldan dang nye bar sne shan rtsa drung dkon mchog zla grags phebs bsur 'byor zhing / de nas mtsher khang dga' ldan khang gsar du phebs bzhugs kyis/ de skabs gong sa rgyal dbang thams cad mkhyen pa thub bstan rgya mtsho mchog sku gzhon nu'i dus dang / srid skyong yongs 'dzin rta tshag hu thog thu bcas mjal phyag tu phebs te/ maNDal rten gsum 'bul dngos sogs rgya gang che 'bul gnang dang / gdan thob gsol ja bzhes 'bras sogs phebs pa dang / mgron khang du gsol ston dkar spro sogs bstsal/ de mtshams rgyal khab nas bstan srid zhabs brtan gnang dgos bka' bsgyur phebs pa bzhin/ pho brang chen po po tA la'i tshoms chen du badzra ku ma ra'i gtor zlog sgrub 'phen zhag bdun pa'i thog 'dab las kyis lingga sgrol chog skabs/ zhing bcu'i dgra bgegs kyi rnam par shes pa dngos su 'gugs bstim mdzad pa'i rtags su/ gdan sa 'di nyid kyi phyag srol thun mong ma yin pa bzhin dgra gzugs lingga'i mgo bo bcad 'phral po tA la'i lho phyogs rgyal sgo'i 'og gi hom nang du 'jug par gtong skabs/ ling mgo bcad pa'i snod nang du khrag nyil