[A:808]la gser zangs kyi bzhugs khri rgyab yol/ 'khor sgrol ma zung gser zangs sngon bzhin sogs dus phyis yum gyi nang rten sgrol ma 'jigs pa brgyad skyobs gser zangs las grub pa ring bsrel rnam bzhi spyi dang bye brag ma yum de nyid kyi thugs dam rten khyad byang rten gras lo gnas spyan snga kun dga' don grub nas 'jam mgon a mes zhabs gsung byon mar sgrol ma sogs bzhugs tshod dang / rnam rgyal snga mo'i mchod rten dang rgya khub rtsi lha khang sgo mchor sogs gsar bskrun dang / dbu rtser yum gyi na bza' sogs kyi thog nas mchod rdzas ka 'phan sham bu sogs 'jam dbyangs gzi 'od 'bar ba dbu rgyan dang sku rgyan sogs tshar du dngar ba rten gtso byings rnams la bzhugs sgam ldebs bris sogs gsar skrun mdzad pa mang dag bcas/ da lta mig sngar gnang ba 'di rnams lags so/ /de rnams kyis 'jam mgon bkra shis rin chen yum yab sras dang bcas pa'i lo rgyus rnam thar mdor bsdus tsam smos zin to/ /
4 ngag dbang lhun grub rgyal mtshan/
de rjes bdag cag gi skyabs mchog mtshungs med rigs brgya'i khyab bdag kun dga' snying po mchog dang / yum mchog lha ri rtse ma tshe dbang rig 'dzin zung gi rigs sras ngos rang mched spun drug tsam las/ rgan 'go ni ngos rang ngag dbang drag shul 'phrin las rin chen zhes ming che yang