[A:814]sogs kun gyi yid 'phrog par mdzad/ gzhan yang yab mes gong ma'i phyag len bzhin/ kyai rdo rje sogs rgyud sde khag gi rgyugs sprod tshogs phebs sogs mthar phyin par mdzad nas/ dgung grangs bcu gcig par bka' 'brel bzhin ngos rang nas mchod thengs bzhi pa'i skabs gdung sras gcung po nyid dang / chos sde lho byang chos lhun pa/ mdo smad ri khud pa/ zur sbug lha 'bri ba sogs bdun cu skor la/ 'jigs bral rnal 'byor dbang phyug gi bzhed gzhung / rgyal gsung mdo rgyud thams cad kyi snying po/ gsung ngag rin po che'i tshogs bshad mkhan chen ngag dbang chos grags kyi yig steng nas/ sngon 'gro snang gsum khrid dang chos 'byung khog phub sogs kyi bshad pa bla brgyud rnam thar 'jam mgon a mes zhabs yan gyi rnam thar/ brgyud pa'i khyad par nyams ldan gyi sems bskyed chen mo lha chen phur khang du gos sku dang / gsung ngag bla brgyud tshem grub pa'i gos yol chen mo/ zhal dbye ba sogs zab ma dang bcas/ de nyid slob ma rjes 'dzin bcas ngos rang nas bsnyen pa kha gso zhag bdun slob ma rnams nas bsags sbyangs kyis nyams len/ de nas rgyu dus kyi dbang rdul tshon gyi dkyil 'khor du phyag cha dang mchod chas zab pa chog gra dang bcas phul ba dang / de'i sang nas rgyud gsum sngon 'gro rnams dang / dngos gzhi lta khrid skabs dam tshig rnam bshad bum dbang gi bskyed rim skabs phyi nang bskyed rim rnam bshad rnams kyang mkhan chen ngag chos gsung bzhin dang / lam dus kyi