[A:823]sras sogs nas bde mchog lu nag dril gsum/ bong zhal gsang 'dus lugs gnyis/ kyai rdo rje bka' babs bzhi sogs dbang ka dang / lung yang mang du gsan pa de dag kyang gsan lo tsam du ma lus par/ rang don thos bsam sgom gsum dang / gzhan don 'chad rtsod rtsom gsum gyi sgo nas rgyal bstan rin po che phyogs brgyar spel bar mdzad pa'i dang po thos bsam ji ltar mdzad tshul gong gseb tshags rnams su rim par song zhing / sgom sgrub ji ltar yin pa ni/ kyai rdo rje/ rdo rje phur pa/ gur zhal rnams kyi bsnyen pa mthar phyin par mdzad cing / gzhan yang ma cig grub pa'i rgyal mo'i lugs kyi tshe dpag med dang / rje btsun rig byed ma sogs kyi bsnyen sgrub dang / rgyun du yang gong gsal de rnams kyi bskyed rdzogs kyi nyams len bzlas brjod bcas chag med gnang ba dang / yi dam chos srung rnams kyi gtor bsngo bskang 'phrin sogs/ mkha' 'gro 'du ba'i dus sogs la ma chag pa dang / gzhan gdul bya don gnyer rnams la chos 'chad dbang lung nyams khrid sogs dang / de lta bu med pa'i dus dpe gzigs sogs kyi phal cher dus 'da' zhing / gzhan don 'chad rtsod rtsom gsum las/ 'chad pa nyi ma'i 'od zer gyis gdul bya rnams kyi blo gros gsal te/ rgyal bstan padmo'i tshal rab tu rgyas par mdzad pa'i tshul yang / snga phyir gsung ngag lam 'bras tshogs bshad thengs gsum dang / gsang chen slob bshad thengs gnyis tsam gsungs par grags pa dang / gzhan yang sa skya pa'i