[A:835]bdag khri ngag dbang drag shul 'phrin las rin chen 'di'ang gong ma rnams las gsan bsam dang mdzad pa mi dman zhing / gsungs pa 'di bzhin bka' shag sogs kyi 'char 'bul la srub mdzad kyi phyag rtags mang rang phebs 'dug pa gtso bor bzung zhing / bdag khri mes po kun dga' bsod nams kyis mdzad pa'i ngos rang gi ring 'tsho'i bden tshig tu/ 'od gsal lha rigs rin chen sprul pa'i sku/ zhes sogs gsungs pa 'di ngos rang sprul pa'i sku lta bu zhig yin par gsung zhing / 'on kyang de skabs theg chen bkra shis rin chen dang / rdo rje rin chen gnyis char lo khyad kha re las dus mnyam lta bur gshegs skabs yin 'dug pas/ de gnyis gang rung zhig yin pa gsung rgyu 'dra mor snang ba dang / yab rje rdo rje 'chang sogs de skabs phal che bas theg chen bkra shis rin chen gyi skye sprul lta bur ngos 'dzin gnang ba/ de ni yab rje dbang sdud snying po'i rnam sprul yin pa gong du brjod pa ltar lung tshad mas grub cing / dbang gi mtshan can de nyid ni rgya bod kyi mkhas grub du mar 'khrungs tshul gong du brjod pa bzhin dang / yang bkra shis rin chen ni slob dpon rin po che las can dag pa'i 'khor lnga'i gras phur pa'i grub chen zhang sna nam rdo rje bdud 'joms kyi yang srid 'khrul med yin par mdo smad 'jam mgon rnam gnyis dang / gter ston mchog gyur gling pa rnams kyi lung gis zin cing / 'gro mgon dbang sdud snying po dang / rdo rje rin chen gnyis kyang sprul gzhi rdo rje bdud 'joms