[A:838]'go dbyangs sogs rgyugs 'bul gong 'dra zhus te kyai rdo rje'i rgyugs/ rang lo dgu par phur chen sbyong skabs 'ga' zhig ma bslab par sngon sbyangs lta bus skyor phyin yod gsungs pa bden min brtag gar 'cham rnams kyang bslabs te rgyugs sprod dang / 'cham rgyugs bcas gong bzhin phul te phur sgrub rgyugs/ rang lo bcu par 'byung 'dul bsnyen pa zla gcig bcu cha'i sbyin sreg sogs bgyis/ rwa lugs 'jigs byed bcu gsum ma dang / gsang 'dus 'phags lugs/ bdag med ma/ bde mchog nag po lugs/ nA ro mkha' spyod/ gsang 'dus mchod sprin rgya mtsho rnams kyi rgyugs sprod rnams rim bzhin phul/ snga phyi yab rje rdo rje 'chang sku mched/ rje btsun rnal 'byor dbang mo skal bzang chos kyi nyi ma/ e waM chos ldan gyi mkhan rin po che ngag dbang blo gros snying po/ grub pa'i dbang phyug badzra dha ra ratna bha dra/ gu Na sprul sku byams pa phyogs las rnam rgyal/ stag lung ma sprul rin po che ngag dbang bstan pa'i nyi ma/ rdo rje brag rig 'dzin chen po thub bstan mnyam nyid rdo rje sogs las lam tshogs slob/ gser chos bcu gsum sogs mnos pa las mkha' spyod skor gsum gyi byin rlabs dang / gzhung pod lung nA ro mkha' spyod ma'i khrid dmar po dbang lung tshang ma/ bstan srung gur zhal gnyis kyi chos skor yongs rdzogs dud sol/ beg rtse/ dur bdag rnams kyi chos skor tshang ma/ rjes gnang spyi bka' sgrub thabs brgya rtsa dang zur bka'i gras mang du thob cing / dus phyis khang