[A:78]gis mdzad pa/ yang des mdzad pa'i rab gnas kyi cho ga 'phrin las rab tu rgyas byed rnams so/ /gsung ngag dang rjes 'brel lam skor phyi ma brgyad du grags pa slob dpon tog tse pa'i bsam mi khyab/ klu sgrub kyi mchod rten drung thob/ nag po spyod pa'i gtum mo lam rdzogs/ nag po 'chi ba med pa'i dpyid kyi thig le/ inDa bho dhi'i phyag rgya bzhi rdzogs/ slob dpon padma badzra'i zab pa'i tshul dgu slob dpon DoMmbhi he ru ka'i lhan cig skyes grub/ ngag dbang grags pa'i gnyug ma dran gsal rnams kyi byin rlabs lung dang bcas pa/ gzhan yang snang gsum ston pa'i khungs zab mo mdo lnga dang / gzhal yas khang gi tshad sogs ston pa/ nor bu rgyas pa'i gzhal med khang shin tu rab tu gnas pa gsang ba'i mdzod/ cho ga zhib mo'i rgyal po le'u bdun ma'i lung bcas gsan/
gzhan yang rje btsun sa skya pa la rnal 'byor bla med dang 'brel ba'i gdams pa rgya mtsho lta bur bzhugs pa'i nang nas gtso bor gyur pa lcags ri khongs las mi 'da' ba'i gser chos bcu gsum du grags pa'i nang nas sgrub pas thun mong zhar la 'byung ba dmar mo skor gsum las/ rje btsun nA ro mkha' spyod ma'i gdams pa gsang chen slob bshad pa'i lugs bzhin snyan brgyud tshad ma bzhi ldan du gsan pa la/ thog mar rje tshar chen gyi sgrub dkyil bdag 'jug sogs mkha' spyod sgrub pa'i nye lam gyi yi ge'i steng nas sindhu ra'i byin rlabs dbang bzhi'i tshul du bskur ba dang / rtsa