[A:855]bzhi pa/ skabs su bab pa'i don bshad pa/
de nas rtsa ba'i sa bcad lnga pa skabs su bab pa'i don bshad pa ni/ gdan sa 'di nyid kyi khur 'dzin mdzad po gdan rabs bshad pa 'di la yang mdor bstan dang rgyas bshad gnyis mdzad pa las/ gdan sa 'di nyid thog mar 'debs mdzad 'khon dkon mchog rgyal po nas/ 'jam mgon a mes zhabs kyi gcen po sku 'bring kun dga' dbang rgyal yan ni gdung rabs chen mor gsal zhing / de man gyi zhal skong rnams sa chen kun blos mdzad pa'i gdung rabs rnam thar zhal skong gi zhabs nas cung zad mdzad pa'i 'phror lus pa lta bus mi gsal ba/ de'i tshul rnams brjod pa la tshigs bcad kyi sgo nas mdor bstan pa dang/ de'i don rgyas par bshad pa gnyis las/ dang po ni/ 'jam mgon a mes zhabs dang bsod nams dbang / /kun dga' bkra shis bsod nams rin chen dang / /sa chen kun blo 'gro mgon dbang gi mtshan/ /yab rje pad 'dul rdo rje rin chen dang/ /theg chen dbang sdud kun dga' bsod nams dang / /kun snying 'jam dbang karma'i ming can pa/ /zhes pa'o/ /
gnyis pa de'i don rgyas par bshad pa ni/ 'jam mgon a mes zhabs