[A:3]thog mar/ /mchod par brjod cing brtsam par dam bca' ba/ /
oM swa sti/ /
rgyal kun mkhyen brtse nus pa'i rnam rol pa/ /
rdo rje rnon po 'phags mchog 'jig rten dbang / /
mthu stobs dbang phyug dpal ldan rdo rje 'dzin/ /
sgo gsum mi phyed dwang bas phyag bgyi'o/ /
zhes mchod tshig gi me tog 'thor ba sngon du song nas/ 'dir dpal ldan sa skya'i gdung rabs byon tshul ngo mtshar rin po che'i bang mdzod ces bya ba/ sngags 'chang bla ma thams cad mkhyen pa 'jam mgon a mes zhabs ngag dbang kun dga' bsod nams grags pa rgyal mtshan dpal bzang pos mdzad pa/ ngor chen mkhas pa'i dbang po dkon mchog lhun grub kyis mdzad pa'i dpal sa skya'i gdung rabs tshigs bcad ma ya rabs kha rgyan dang rtsa 'grel gyi tshul du mdzad pa la/ sngags 'chang chos kyi rgyal po ngag dbang kun dga' rin chen gyi rnam thar yan gyi/ thams cad mkhyen pa dkon mchog lhun grub kyi gsung rab dgongs 'grel rdzogs nas/ de rjes