[B:6b]thog ma rje gung stag tu grags pa'i phyir ro/ /rus ni/ bod kyi rus chen bzhi dang / mi bu rus drug tu grags pa sogs las chad pa ma yin gyi/ gdung rus gtsang ma lha las babs pa yin te/ gnam lha lce rings| g.yu rings/ dbu se ste/ mched gsum du grags pa mi yul du babs pa la mi'i rje zhus pas/ chung bas mi'i rje mdzad/ sras se ji le spun bzhir grags pa byung / de dag gis ldong rus chen bco brgyad dang 'thabs/ de'i grogs la gnam lha bar pas byon/ ldong btul nas bran du byas/ 'dis smu'i bu mo smu pa ldem bu khab tu bzhes pas sras ma sangs spun bdun du grags pa byung / bdun pas mi yul du bzhugs/ gzhan rnams lha yul du thegs/ bdun pas thog lha 'od chen gyi bu mo thog lce 'ur ma khab tu bzhes pa la sras thog tsha dpa' bo 'khrungs/ des klu'i bu mo klu lcam bra ma khab tu bzhes pa la klu tsha rta po 'od chen byung / de yan chad bar snang la bzhugs/ des mon bza' mtsho mo bya ba khab tu bzhes pa la sras
[A:13]gcig g.ya' dang spang gi mtshams su skyes shing / 'di 'dra re re tsam yin byas pas mtshan g.ya' spang skyes gcig tu btags/ 'di gnas pa'i ri/ g.yas ru shangs kyi nub byang na byang ri kun las mtho zhing mdzes pa gcig yod/ ri de la yang g.ya' spang du grags/ lha 'dis/ srin po skya rengs khrag med ces bya ba la/ chung ma g.ya' 'brum sil le ma zhes ba shin tu mtshar ba gcig yod pas/ srin po dang 'thab rol byas/ khyo bsad/ chung ma khab tu bzhes pa la sras gcig 'khrungs pa lha dang srin mo 'khon pa'i bar du byung bas/ g.ya' phrug 'khon bar