[B:6a]rgyal ba'i bstan pa ni/ /nyis stong sum brgya zhe gsum 'das/ /nyis stong drug brgya nga bdun lus/ des na ding sang lnga brgya pa| /lnga pa'i sked yin 'thad ldan no/ /yongs grags ltar na sum stong dang / drug brgya gcig 'das stong dang ni/ /bzhi brgyar gcig chad lus pas na/ /lnga brgya brgyad pa'i steng du slebs/ /gang 'thad gong bzhin dpyad pas shes/ /de ltar na| bod kha ba can gyi ljongs 'dir/ rigs gsum mgon po'i rnam 'phrul chos rgyal byang chub sems dpa' yon mchod thugs rje las sprul pa rnams kyis rgyal ba'i bstan pa sngar med gsar du btsugs/ gtsang g.yo dmar gsum bla chen mkhan brgyud rnams kyis sngar yod nyams pa gsos/ lha btsun khu dbon/ jo bo yab sras/ 'brog 'gos mar gsum/ pa tshab rngog khyung / ra 'bro la sogs pas shin tu dar bar mdzad mod kyi/ phal cher mdo dang sngags kyi phyogs re ba tsam du zad la| dus phyis/ rgyal ba thams cad kyi ye shes gcig tu bsdus pa/ rje btsun 'jam pa'i dbyangs nyid/ 'khon gyi gdung brgyud kyi tshul bzung nas/ phyi nang mdo sngags bshad grub kyi bstan pa mtha' dag 'dzin skyong spel gsum gyi sgo nas ches
[A:12]shin tu dar zhing rgyas par mdzad/ shar phyogs rgya mtsho'i mthas gtugs pa'i 'dzam gling byang phyogs kyi skye rgu thams cad chos dang zang zing gi dpal 'byor bzang pos legs par bskyangs pa ni ngo mtshar zhing bka' drin shin tu che bas/ gdung brgyud rin po che'i byon tshul dang / rnam par thar pa 'chad pa dang nyan pa la 'bad par rigs so/ /de la 'di'i rigs ni bod du bram ze'i rigs su gsal ba ma byung bas/ rgyal rigs/ rje rigs/ dmangs rigs gsum las/ zhang blon rje'u rigs yin te/ mi'i gdung rabs