[B:27b]dpal bsam yas lhun gyis grub pa'i bla brang bkra shis skang gi gzims khang du gshegs so/ /'di gsum gyi mched zla gcig chung ngu la gshegs so/ /de ltar mtshan mi thon pa mi the ba'i bdag nyid chen po'i sras yongs su grags pa dgu ni/spyi dpon tashri kun blo| gzhi thog pa mkhas btsun nam legs pa dang / nam rgyal ba gnyis/ lha khang pa kun legs pa dang kun rgyal ba gnyis/ rin chen sgang pa kun dga' nyi ma/ don yod rgyal mtshan pa/ bla ma dam pa ste gsum/ dus mchod pa kun dga' legs pa ste dgu'o/ /de rnams las sras ji ltar mched ce na/ kun blo/ kun dga' legs 'byung / kun nyi/ bsod rgyal rnams rab byung gtsang ma yin la/ kun rgyal ma bsnyen rdzogs ma mdzad gong du ma cig byang pa mo la lha khang chos rgyal ba
[A:58]dang | kun spangs pa'i lcam mo la blo gros rgyal mtshan pa gnyis 'khrungs pa/ gnyis ka la ta dben gu shrI'i mtshan dang las kha byung / gzhung lugs rnams la sbyangs/ mkhas par mkhyen/ bu ston gdan drangs nas lha khang du rdor dbyings kyi blos blangs bzhengs/ gcen lcags mo lug lo ba yin/ dgung lo nyer bdun pa la gong du byon/ nyer bdun pa sa mo phag la rgya yul du gshegs/ gcung chu pho spre'u lo pa yin/ bzhi thog gdan sa yang mdzad/ so bdun pa sa pho spre'u la gshegs so| /chos rgyal bas bsnyen rdzogs ma mdzad gong du ta dben byang pa'i lcam mo la sras gnyis 'khrungs pa ni/
Theg chen chos rje Kun dga' bkra shis
theg chen chos rje kun bkras pa dang / bdag po bsod bkras pa ste/ snga ma sa mo glang la 'khrungs/ gzhon