[B:28b] sbas pa'i rnal 'byor par byed/ bstan pa dang 'gro don rgya cher mdzad/ byang pas lha rtse bzung / bzang brtson gyi ngang nas rgyang 'bum chen gyi phyi nang cha rkyen dang bcas pa legs par sbyangs| chu pho 'brug lo/ nga drug bzhes pas sa pho byi ba la lha rtser gshegs so/ /bla ma 'di gnyis kyi mched ya/ dpon yan dbang phyug dpal gyi jo mo la byung ba/ dharma pa dang rdo rje rin chen pa gnyis/ snga mas mdo khams su gdul bya bskyangs/ phyag rdzas mang du ston/ gser dngul sogs kyi 'gyed?'gyod chen byas/ bka' gros pa'i dam bzhag bcugs pas bka' drin che bar byed/ bdag po bsod bkras pa'i sras bde legs bkra shis pa/ bla ma lha bzang pa dang / dpon gnyer
[A:60]ma mthun pa'i rkyen gyis la stod byang pa'i sa cha gcig na bzhugs sam zer te/ lha khang chen mo nye gnas kyis 'dzin to/ /bzhi thog pa mkhas btsun chen pos dus mchod pa'i jo mo dge 'dun 'bum la sras gcig byon pa bzhi thog pa bdag chen kun rin par grags pa sa mo yos la 'khrungs/ chos rje bla ma dam pas dbu ston/ legs par sbyangs/ rgyal pos ta'i dben gu shri'i mtshan dang / lung gnang / bzhi thog gi gdan sar skos/ yun ring po mdzad/ re gcig pa la bzhi thog tu bde bar gshegs so/ /de'i sras gu shri blo gros rgyal mtshan pa rta lo la 'khrungs/ bzhi thog tu bzhugs/ lnga bcu la gshegs so/ /de'i sras dbang phyug rgyal mtshan pa/ rgyal mkhar rtse bas zhabs tog dbu 'don/ bzhi thog nang chen mdzad nas bzhi thog tu bskos/ thugs dam shin tu 'phel/ kha'u skyed las kyi mgon