[B:33b] rgya yul sogs na mtshan grags chung bar song 'dug pas| dpon sa g.yog sa kun gyis khur chen bzhes pa'i skabs la bab kyi ma zad mchis pa tsam du gda'/ gdung brgyud rin po che de dag las/ hor rgyal po'i tishri ba mdzad pa drug rgya rgyal po'i tishri mdzad pa gcig wang gi las kha hor gyis gnang ba lnga| rgyas gnang ba gsum rnams sngar song / da rung de lta bu'i chen po dang mang po'i 'gro don dang bstan pa'i bdag rkyen mdzad pa rgyun mi 'chad pa 'byung bar gyur cig
Ending
ngo mtshar sna tshogs bkra ba'i mkha' ngos na//
zla skar sprin dang klog gi 'du 'god sogs//
gzugs kyi snang ba bgrang las 'das mod kyi//
'jam dbyangs mkhyen brtse'i nor bu mchog gis bsgrubs//
thub bstan nam mkha'i lam la zla med rgyu//
nag phyogs mun pa'i rtsa lag mthar byed cing //
phan bde'i pad tshal kun skyong nyi ma ni//
kun gsal 'khon gyi gdung brgyud kho nar zad//
de dag phan bde'i lo tog rgyas phyir du//
rtag tu 'khor ba'i 'dren byed rta bdun gyi//
nang na mchog gyur yar 'brog dpon chen yin//
de yi brgyud 'dzin rigs gzugs dpal 'byor ldan//
dad gtong rnam [A:70]dpyod nor gyis mdzes pa gang //
chos rgyal mtshan can de yis nan tan gyis//
legs par bskul ba'i lhag bsam nyi ma yis//
dri med mang thos chu gter che las 'ongs//
legs bshad 'dab stong phyogs kyi mtha' gru mjal//
yul dus grangs la 'khrul med ge sar can//
pradznyA ratna'i rnam dpyod pad mo las//