[B:33b] རྒྱ་ཡུལ་སོགས་ན་མཚན་གྲགས་ཆུང་བར་སོང་འདུག་པས༑ དཔོན་ས་གཡོག་ས་ཀུན་གྱིས་ཁུར་ཆེན་བཞེས་པའི་སྐབས་ལ་བབ་ཀྱི་མ་ཟད་མཆིས་པ་ཙམ་དུ་གདའ། གདུང་བརྒྱུད་རིན་པོ་ཆེ་དེ་དག་ལས། ཧོར་རྒྱལ་པོའི་ཏིཤྲི་བ་མཛད་པ་དྲུག རྒྱ་རྒྱལ་པོའི་ཏིཤྲི་མཛད་པ་གཅིག ཝང་གི་ལས་ཁ་ཧོར་གྱིས་གནང་བ་ལྔ༑ རྒྱས་གནང་བ་གསུམ་རྣམས་སྔར་སོང་། ད་རུང་དེ་ལྟ་བུའི་ཆེན་པོ་དང་མང་པོའི་འགྲོ་དོན་དང་བསྟན་པའི་བདག་རྐྱེན་མཛད་པ་རྒྱུན་མི་འཆད་པ་འབྱུང་བར་གྱུར་ཅིག
Ending
ངོ་མཚར་སྣ་ཚོགས་བཀྲ་བའི་མཁའ་ངོས་ན།།
ཟླ་སྐར་སྤྲིན་དང་ཀློག་གི་འདུ་འགོད་སོགས།།
གཟུགས་ཀྱི་སྣང་བ་བགྲང་ལས་འདས་མོད་ཀྱི།།
འཇམ་དབྱངས་མཁྱེན་བརྩེའི་ནོར་བུ་མཆོག་གིས་བསྒྲུབས།།
ཐུབ་བསྟན་ནམ་མཁའི་ལམ་ལ་ཟླ་མེད་རྒྱུ།།
ནག་ཕྱོགས་མུན་པའི་རྩ་ལག་མཐར་བྱེད་ཅིང་།།
ཕན་བདེའི་པད་ཚལ་ཀུན་སྐྱོང་ཉི་མ་ནི།།
ཀུན་གསལ་འཁོན་གྱི་གདུང་བརྒྱུད་ཁོ་ནར་ཟད།།
དེ་དག་ཕན་བདེའི་ལོ་ཏོག་རྒྱས་ཕྱིར་དུ།།
རྟག་ཏུ་འཁོར་བའི་འདྲེན་བྱེད་རྟ་བདུན་གྱི།།
ནང་ན་མཆོག་གྱུར་ཡར་འབྲོག་དཔོན་ཆེན་ཡིན།།
དེ་ཡི་བརྒྱུད་འཛིན་རིགས་གཟུགས་དཔལ་འབྱོར་ལྡན།།
དད་གཏོང་རྣམ་[A:70]དཔྱོད་ནོར་གྱིས་མཛེས་པ་གང་།།
ཆོས་རྒྱལ་མཚན་ཅན་དེ་ཡིས་ནན་ཏན་གྱིས།།
ལེགས་པར་བསྐུལ་བའི་ལྷག་བསམ་ཉི་མ་ཡིས།།
དྲི་མེད་མང་ཐོས་ཆུ་གཏེར་ཆེ་ལས་འོངས།།
ལེགས་བཤད་འདབ་སྟོང་ཕྱོགས་ཀྱི་མཐའ་གྲུ་མཇལ།།
ཡུལ་དུས་གྲངས་ལ་འཁྲུལ་མེད་གེ་སར་ཅན།།
པྲཛྙཱ་རཏྣའི་རྣམ་དཔྱོད་པད་མོ་ལས།།