[B:4a]lo stong na/ 'dis rgya nag gi yul du sems can gyi don byed par 'gyur ro zhes lung bstan/ de mthun rgya nag tu phebs/ hor se chen rgyal po rgyal sar phebs nas lo ngo gsum song ba chu mo phag la brtsis pas| tsandan jo bo bzhengs nas lo nyis stong brgya nga lnga song / sangs rgyas 'das nas lo nyis stong brgya so dgu las ma song / de nas tshal pa kun dga' rdo rjes me pho khyi la brtsis pas brgyad cu gya bzhi song / de nas da lan gyi me pho khyi'i bar la lo brgya dang nyi shu rtsa gcig bsdoms pas 'di'i lugs la sangs rgyas mya ngan las 'das nas lo nyis stong sum brgya zhe gsum las ma song 'dug pa'i phyir dang / bod kyi rgyal rabs dag pa rnams las/ rje gnya' khri btsan po sangs rgyas dang dgung mnyam gyi rgyal po bzhi'i nang nas/ rgyal po shar ba'i bur bshad pa 'thad cing / de nas rgyal rabs nyi shu rtsa bdun na/ tho tho ri gnyan btsan gyis dgung lo zhe gnyis bzhes pa'i sa pho spre'u'i lo la dam pa'i chos kyi dbu brnyes/ nyer bdun po'i gnam gyi khri bdun la sogs pa rnams/ sras kyis chibs kha 'chun pa tsam la yab gshegs pa sogs sku tshe ring po yang ma byung bar bshad pas/ rgyal po nyer bdun gyi ring la lo nyis stong lnga brgya 'gro ba mi rigs shing / de bar la lo dgu brgya re drug las ma song bar bshad pa yang 'dug pas/ bu mo dri ma med pa lung bstan pa'i mdo las/ nga mya ngan las 'das nas lo nyis stong lnga brgya na gdong dmar can gyi chos yul du dam pa'i chos 'byung ngo zhes bshad pa yang 'gyur skyon du snang bas/ stong
[A:8]dang sum brgya zhe lngar gsal ba'i phyir dang / thogs med sku mched rgyal ba 'das nas lo stong du nye ba na 'byung bar