[B:4b]bshad cing / dbyig gnyen gyis sku tshe ring po ma bzhugs par mkhas pa la grags la/ de dang zla grags/ birWa pa rnams dus mtshungs su 'jug 'grel las bshad/ paN chen shakya shrI byon nas lo phyed dang sum brgya skor las mi 'gro zhing paN chen dang birWa pa'i bar na/ so thar sdom brgyud la/ yon tan bdag pomed dang / chos kyi phreng ba dang / zhi ba'i 'byung gnas sbas pa ste gsum las med/ bod kyi lo tsA ba 'brog 'gos dmar gsum paN chen las cung snga yang 'gos dang zla grags kyi bar na sleb pa rdo rje/ nag po spyod pa/ btsun mo can dang gsum/ 'brog mi dang / birWa pa'i bar na'ang bzhi las med pa sogs dang | dbyig gnyen gyi dngos slob thang zim lo tsA bas/ rgya pa skong tso chen mo'i yab thang tha'i dzung gi rgyal po'i ring la rgya nag tu sems can gyi don byas par bshad pa dang / dbyig gnyen gyi dngos slob gang spel gyi slob ma dzi na mi tras bod kyi ka lcog zhang gsum dang lo paN mdzad nas chos bsgyur bshad mang du mdzad pa rnams kyis phyir ro/ /de ltar na/ rang lugs mdor bsdus tshigs bcad du brjod na 'di lta ste/ bdag cag rnams kyi ston mchog de/ /shing pho byi ba'i lo la bltams/ /sa mo phag la mngon sangs rgyas/ /rim gsum chos 'khor rdzogs pa'i mthar/ /don dgu pa la dus 'khor gsungs/ /gzhan du smra la gnod byed mang / /lo gnyis bar du zla bzang gis/ /shaM bha la ru rtsa rgyud bstan/ /'grel chen stong phrag drug cu
[A:9] pa/ / gzhal med khang dang bcas pa mdzad/ /de nas shing pho spre'u nas/ /lha dbang la sogs shAkyi rigs/ /drug gis lo brgya lo brgyar bstan/ /slar yang shing pho spre'u la/ /rigsring ldan 'jam dbyangs grags pa yis/ /rtsa rgyud lo brgyar bstan