[A:241]gros drag po'i sku/ /
gsang ba'i bdag po'i sprul pa ste mtshan yang
'gro ba'i mgon po phyag na rdo rje ste/ /dbus 'gyur 'chang du khyab bdag gtso dang 'khor/ /sngon byung gtam gyis ci bya 'dir dus gsum/ /rgyal ba kun gyi 'dus zhal phye ba'i mchog /bdag nyid chen po sa skya paNDi ta
sras bcas mngon sum snang ba rab tu 'byams/ /mtho ris mgon po tshangs dang brgya byin sogs/ /phyag 'tshal gdong pa rdzogs pa'i me long gang / /srid gsum gtsug gis byis pa'i zhabs sen la/ /ya mtshan mthong ba'i bdud kyang dul bzhin du/ /shes bya ma lus dag pa'i dkyil 'khor che/ /sngo bsangs lang tshor bab pa'i dgung mthon por/ /'dzegs pa'i bgrang gzhi ste dgung lo
gsum lhag drug cu'i dbyangs/ /zab mo 'brug gi lo la sku bskyod de/ /nyan thos rang rgyal theg pa chen po yi/ /rigs can 'khor gyis gnam dang sa thams cad/ /rdzogs pa'i spyi bos gtams pa'i khor yug rgya/ /'od stong ldan pa'i nyi mas dpag tu med phul byung gi rgyan mtshar che ba
/ /mche ba'i gangs ri gzings pa'i g.yang sa la/ /khrag 'thung rgyun gyis dmar ba'i sprin rtag tu/ /'bab pa'i zhal yangs dam can rgya mtsho'i rlabs/ /drag po'i nyams ldan 'phrin las sgrub phyir rgyug /bse 'bag nag po'i zol can gur mgon yang / /zhabs rjes mthun par zhugs tshe sde 'di nyid/ /srung ba'i mel tshe khyod kyis ma g.yel zhes/ /ngur smrig bla gos gtsang ma bsnun te bzhugs/ /de nas gnam sngon rim pa bcu gsum gyi/ /rta babs 'degs pa'i ka ba lta bu'i ri/ /'bigs byed khengs pa bsnyol byed kha'u yi/ /gnam lcags 'bar ba'i brag gi yang rdzong der/ /thogs pa med pa'i 'phrin las bzhi yi zhal/ /gdangs pa'i lam la gang song 'khor ba 'dir/ /phyis mi skye ba'i dam tshig bdag po gnyen mgon de nyid
la/ /bstan pa bsrung don gnyer ba'i tha tshig blangs/ /shis pa kun gyis phyug pa'i mtshan ris can/ /zhabs kyi