[A:245]brtan ldan g.yas su 'khor ba'i mu khyud 'dzin/ /gtsang la yar gtogs
te yab la zhes bya'i
gtam gyi me tog ri/ /rna ba'i rgyan du gyur pa brgal ba'i ngogs/ /rta mchog kha las 'bab pa'i pakShu la/ /bkra shis gru rdzings bskyod pa'i ba dan tshogs/ /phyar ba'i mkha' ni dri med nyal 'gro mas/ /dbu ba'i gdugs dkar 'bum phrag rab rtog gi dpe rgyan phul che ba
bteg bzhin gshegs/ /bstan la bya ba chen po'i 'dul ba 'bum sde 'dzin pa'i gdan sa zul phu ru/ /'gro 'dren mkhan po chos kyi rje bdag nyid chen po sa skya paNDi ta
dang las kyi slob dpon zul phu'i mkhan po
na bza' 'phred gsol bar grags shing mtshan dngos chos kyi byang chub ces bya bas mdzad de
/ /khrims ldan dge slong dge 'dun chen po 'dus pa'i tshogs dbus su ste rigs kyi dbon/ /'phags pa rang lo bcu par rab tu byung la nyes med phun tshogs dge tshul brten/ de nas u rgyan slob dpon padma yis/ /snang srid bdud tshogs zil gyis mnan pa'i mgur/ /rdo rje'i sgra 'bab pa yi mi nyid dang / /mi ma yin kun bran du bkol ba'i mthus/ /brtsigs pa'i lam du gling bzhi gling phran brgyad/ /nyi zla song ba'i bskal pa chen po gcig /gsar du chags pa lta bu'i gtsug lag khang me mo yos la bzhengs pa
/ /bsam yas
zab yangs lhun gyis grub pa dam pa'i sder/ /chos 'khor g.yas su 'khyil ba'i bkra shis dung skye ba lnga pa'i sgra gang thos kyis khongs su rims nad mi 'byung bar bshad pa bzhin
/ /phrin las bzang po'i sgra ldan rna ba'i bcud/ /yan lag tshad med dbyangs kyis 'khor ba'i rims/ /nad med mu tig 'gro ba'i rgyan du byin/ /bcom ldan che mchog he ru ka dpal gyi/ /sprul pa dregs pa'i sde dpon sum cu'i gtso/ /rgyal po
chen po be ha ra zhes bya ba gtsug lag khang
de na gnas pas btud cing las/ /rnam bzhi spel ba'i srog la mdud pa bcas/ /de 'das lung dang rigs pa rnon pa'i rdul/ /phra rab glog pa'i 'khor los yongs sgyur bas/ /mtha' med shes bya lhun po'i tshad khong du/ /chud pa'i 'byung