[A:254]sa bon las/ /skyes pa'i dbang po kun 'phrog pa'i/ /'chi med bcud len 'bab pa'i ja/ /bdud rtsi'i rkang 'thung gis mngon dga'/ /de yi shar phyogs rgya mtsho'i gling / /dbang byed rgyal po'i mthu las skyes/ /dpa' bo zhe sdang che 'dren pa
ste dmag dpon gyi sngon du
/ /mdung gsum bshug med rgyug pa dang / /rgya nag sa yi 'jer 'jigs kyi/ /dmag dpon rin chen de'i sngon du/ /bsnun bral mda' gsum 'gro ba'i g.yul/ /bkye zhes rgyal rnga'i sgra ma yal/ /chu gter rlabs kyis dbu ba rnams/ /brtsegs pa'i ri bos mtshan pa ni/ /mtho zhing phul byung dkar ba yi/ /ti ses spun zla phul byung gi rgyan
thob dang ldan/ /byang phyogs lus ngan rgyal po'i bar/ /bka' ni song bas gnod sbyin gyi/ /gzugs bzhin cir yang 'char ba'i mi/ /blta byed gyen du langs rnams 'jigs/ /de nas
nam mkha'i do rar mun pa'i dgra bo tsha zer can gyi gar/ /lan mang zlos pa de srid gshegs tshe 'jam dbyangs sems dpa'i 'khor khri yis/ /bskor te bzhugs pa'i gnas su rgyal ba rgya mtshos byin gyis rlabs che ba/ /rgya nag ri bo rtse lnga pa ste de'i rgya tshad ni gzhu 'dom brgya phrag gsum dang drug cu la le bar gcig ces rgya nag pa brjod pa'i
le bar lnga brgya'i khor yug can/ /rin chen ri rab lhun po de'i steng nas/ /rten med nam mkha'i sgeg mo mtha' can du/ /tshu rol mthong ba'i lam du rdzogs pa na/ /rdo rje'i mig can rnams ni 'jigs par dogs rab rtog gi rgyan
/ /ri bo rtse lnga
de yi rdo yang rnam par shes ldan las/ /lhag pa'i nang gi kun slong mtha' dag ni/ /mngon par rtogs pa bzhin du bsam pa'i gzugs/ /'char byed 'khrul pa mang po'i mtshang brtol la/ /shes bya la ni dge ba'i dngos po'i bcud/ /rku ba'i bdud dang gshin rje rmeg med du/ /sbas la mtshan ma ngan pas dben pa yi/ /'chi med bdud rtsi'i chu bo dal gyis 'bab/ /yan 'tsho byed ngoms byed yi gar 'ong / /tshim byed sems ni gsal byed la/ /sla zhing ri mo gsal la zhim/ /bsil zhing yang ba bdud rtsir mtshungs pa ste/ /
lag brgyad ldan 'phags pa'i khrus kyi rdzing / /shes rab ral gri'i rno rgyun thigs pa yis/