[A:255] /rmongs pa'i srog 'phrog blo dang rig pa'i tshogs/ /mtshungs med 'phel ba'i btung ba'i mchog gis shis/ /dkar dang nag pa'i mtha' chen gnyis btul ba'i/ /dus kyi 'khor lo tshes pa gnam gang gi /zla ba dag pa'i zhal ras gzhan du na/ /mthong min dri med chu nang der rab gsal/ /gnam gyi shing thog 'chi med rtag pa'i ro/ /'bum du bda' bas mngon par dud pa yis/ /nags kyi lha mo'i lag sor yal 'dab kyis/ /ris med gtong ba'i nyer mtsho shin tu mtho/ /gser gyi chu skyes dus tshigs kun tu 'bar/ /'od kyis bar mtshams med pa'i rna rgyan can/ /ljon pa gzhon nu ma tshogs phang bkod pa'i/ /gnyis skyes mgrin pa'i rgyud mangs bsgreng ba la/ /mig zur grogs po rna ba'i dbang po zung / /gzengs su bstod pa'i ri dgas sdu gu rnams/ /so phreng bar na gnas pa'i rtswa kham du/ /gcod pa'i sgra dag bsdams nas nyan par byed/ /byang chub sems dpa'i skud pa ltar bod pa'i/ /anda rnyil
mdangs ldan phra zhing 'jam la ring ba dag ljon pa'i tshogs la
gyi dra ba 'phyang ba las/ /dri zhim phyogs kyi bu mo'i 'gram pa ru/ /gar ba'i ri mo nad chen 'phrog par rgyu/ /ye shes tshon lnga rdzogs pa'i 'ja' 'od kyi/ /rtsig pa dag pa'i gzhal yas khang pa na/ /brtan pa'i 'khor lo gtso 'khor lnga pa dngos/ /las skal kun la mthun par 'char byed mtshar/ /'phags pa gang gi spyod pa'i yul dam par/ /byin gyis brlabs rgya che bas ma hA tsi na/ /gtsug lag rtsis dang bzo yi rig pa la/ /mkhas pa'i grags pa phul du byung rnga brdung / /stong pa'i ngo bo gcig las gzhan med kyang / /bum pa bzang pos gzhal ba'i nam mkha' mang / /'jam pa'i dbyangs gcig lha dang mi'i rnam pa/ /gnyis kyi tshul du mjal ba'i dga' ston bskyangs/ /der ni rtogs par ldan pa'i rgyan dam par/ /bla med rdo rje theg pa'i snying po can/ /mchog gi dngos po thams cad 'dus pa'i lam/ /phyag rgya chen po mig gi thur ma stsal/ /zham bsir