[A:263]rnon po/ /rnyog ma'i yid las skyes gyur te/ /shAkya mu ni'i sku yi rgyur/ /brtag pa'i ngan sems
kyi
khrag phyungs pa bzhin byas
la/ /dge 'dun rnams kyi 'tsho ba'i zas/ /dma' bar phab pas khyu mchog nyams/ /de ltar bar du gcod 'jug pa'i/ /bu ga rang gi dbang po yis/ /mthong ba min pas go skabs byin te lha 'dre rnams kyis rgyal po dang nang blon gyi bar du phra ma bcug pas
/ /rgyal po de nyid blon gyis bsad/ /'da' khar nga yi srog 'phrog byed/ /rgyu dang bcas pa 'joms nus pa'i rgyal po zhig tu skye bar gyur cig ces
/ /smon lam bden pa'i stobs su ding / /skyes pa rgyal po
go dan 'di yin la/ /de yi thub chod shin tu che ba'i spyod pas byang ngos 'dir 'ongs te nged kyi gnas chu dang 'dam rdzab sogs kyi steng du rta rgyug pa dang gsod pa dang khrag dbyung ba sogs
/ /ma rungs drag po'i mkha' lding gis/ /bsnun bzhin nged rnams snang ba dang / /mthar byed kha ru btab pa mang / /'chi ba zhes pa'i sgra chen po'i/ /'jigs pa de yi gtsug phud can/ /rtse zhing 'gro la gar gyi stabs/ /bsgyur 'chi ba dang rma byas sbyar bas sbyar rgyan
ba'i res kyis nye bar bcar/ /da ni go dan
rgyal po de dang nged kyi rje/ /dus 'dzin bdag pos srang gzhal tshe/ /lci dang yang med lhan cig tu/ /'tsho 'chi mnyam pa nyid du 'gyur te nged kyi rje bo shi na go dan yang 'chi sos na go dan yang sos pas
/ /de phyir 'khor ba'i ngang tshul 'bad rtsol chung ngus za ba'i nad/ /'jigs rung 'phrog par dka' ba'i sdug bsngal gyis gzir kun gyi ma/ /nyes pa'i dri ma mtha' dag gdon la mkhas pa'i mgon po kye zhes bod nas
/ /da ni
re ba'i rtsa ba khyod la btsugs so gzigs shig snying rje'i gter zhes pa de skad
/ /brjod de de yi lus ni skabs gsum pa'i/ /bdag po'i gzhu bzhin dal gyis rang yal du/ /song la dam pa'i kun rtog brtse ba yis/ /brlan pa'i blo gros gzhal med ci yang zab/ /sa 'og gdon gyi lag ldan myos pa la/ /mi 'jigs pa yi dbugs 'byin khyad par du/ /'phags pa thugs rje chen po'i skur bzhengs te/ /bsnyengs bral seng ge'i nga ro bsgrags pa ste 'phags pa seng ge sgra yi cho ga mdzad pa