[A:265]dpya/ /gcig tu sdud pa'i chos kyi rgyal srid che/ /'chi med lam dang mnyam pa'i tshad ldan par/ /dbang phyug 'khor los sgyur ba'i rgyal por gyur/ /rgya chen sa yi lag dpya 'dzin pa
go dan rgyal po
de'i/ /g.yar gyi khral dang g.yul ngor bshams pa'i
drag po'i ru mtshon chena po
/ /bod
gangs ri'i khrod 'dir 'phyar bar mi bgyid pa'i/ /'jigs pa gnyis las thar pa'i gling du mdzad/ /byang chen spyod pa'i lam la rab zhugs nas/ /thub pa'i dgongs don ma lus gsal ba'i gter/ /rdul bral mthar phyin zhi ba'i sgo 'phar brgya/ /legs par phye ba'i mi zad chos skyes dang / /de bzhin phongs dang slong ba med pa'i phyir/ /gang gi ngang tshul dpag bsam rkang 'thung skyes/ /sbyin pa'i yal gas brdungs pa'i phul byung rnga/ /snyan pa'i 'bras bu 'dod pa'i tshang du byo/ /stong pa nyid smra'i bden pa de dang go dan
rgyal po'i bka' yi gser ri de/ /nam mkha' skye med mtshan ldan de dang gzugs med khams kyi gtsug na yang / /mthon por 'phags pa'i ngal gso brten na gzugs can rnams la smos ci dgos/ /de phyir 'jig rten 'jig rten 'das pa'i mgon pos 'gro rnams rjes gzung ngo / /'jam dbyangs mi'i srid pa 'dzin pa sa skya paNDi ta kun dga' rgyal mtshan dpal bzang po'i rtogs pa brjod pa bskal pa bzang po'i legs lam las/ hor gyi rgyal po rgyal khams dang bcas pa rtag par dam pa'i chos la bkod pa'i sarga de bcu pa'o// //gong na med pa'i gnas su yang dag snang ba'i tsam pa ka 'og tu/ /sems can mya ngan 'das pa'i sbrang rtsi brtul zhugs 'dzin pa'i sa la bkod/ /'dzam gling nyin mor byed pa'i cho ga rdzogs pa'i ris med 'od zer can/ /'char nub spangs kyang sna tshogs 'phrul pa'i mig can rnam la cir yang ston/ /'jig rten gsum gyis mchod pa'i gtso bos 'dir/ /so sor rtogs pa chen po'i pha rol tu/ /phyin pa'i bya ba yongs su grub pa