[A:273]ma tshogs kyis gtor ba'i/ /mandA ra bas sa gzhi dgod pa'i dpal/ /'bar de ganggA'i dbu ba brtsegs chags spo/ /'phyur ba'i lha yi ri bo gsar pa bzhin
phul du byung ba'i rab rtog gi rgyan
/ /dbyangs kyi dkyil 'khor yan lag tshad med pa'i/ /'bab stegs dri za mi'am ci rgyal gyis/ /sna tshogs rgyud ldan ro yi gter gyur sgras/ /rtog pa'i dra ba ma lus rna bar bsdom/ /ma dag a di ti yi skye gnas las/ /'das pa'i chags rdul dri ma gsum spangs pa/ /rdo rje nyi ma mtshon pa'i tsha zer can/ /rnam gsum kun gyi bla na gsal bar mthong / /gang zhig mgon po mnyam zla med/ /mdzes pa'i rgyan ni de 'dra ba'i/ /bsngags 'os ya mtshan mang ba'i mdzod/ /gdung gi za ma tog kha phye/ /gtsug tor dri ma med pa'i chu las skyes/ /byang chen spyod pa mchog gi dbang po yis/ /ngo mtshar rgyan du dgyes pa'i rdo rje gang / /snang ba'i ri bong mtshan ma gsal por bkod pa ste skyes rabs so bzhi pa nas bshad pa'i
/ /byang chub sems dpa' ri bong du skye ba bzhes tshe/ brgya byin gyis nyams sad pa'i phyir bram zer sprul pa'i lag brkyang gi brtul zhugs blangs pa la/ lus mer bsregs te sbyin pa las/ de'i mdzad pa khyad par can 'jig rten gyi khams la bstan pa'i phyir/ lha'i dbang pos zla ba'i dkyil 'khor la ri bong gi gzugs brnyan gyis brgyan te gzhag pa'i gtam rgyud dang sbyar bas sbyar rgyan no/ /
de bzhin gang dag 'jam pa'i dbyangs ngo bo/ /yin par smra ba'i rgyal po rang byon pa'i/ /shes rab ral gri rno ba'i tshad gyur sos/ /rtsod pa'i g.yul ngo phyis mi gshom par mchod/ /dpal ldan dpral ba'i dkyil 'khor 'jig rten la/ /shar pa tsam na sangs rgyas nyag gcig tu/ /gtong ba rdzogs pa'i snying rje nya ba las/ /bde ba chen po'i 'khor lo sdom sbyar rgyan
pa 'khrungs/ /kun mkhyen bu ram shing pa mi mjed kyi/ /zhing 'di'i gdul bya rdzogs mtha' med phyir du/ /rtag pa dam pa'i dngos po'i rtsa ba las/ /sku nyid blta bas chog mi shes pa bltams nges bstan gyi rgyan
/ /ngan 'gro las 'dren dpung pa'i smyig ma yi/ /'khri shing rab tu mtho ba'i rtser smin pa/ /mu tig rgya gar lho phyogs kyi spa'i 'dab ma la char bab pa'i rkyen gyis we lu mu tig 'byung zhes