[A:275]ba mthu yis rnam par brgyan pas dgram/ /yon tan kun gyi tshogs 'dus pa yi longs la yun ring du/ /spyad pa'i rang bzhin don chen dam pa dga' ba grub nas so/ /dri mas spangs pa phun sum tshogs pa thams cad 'byung ba'i gnas/ /sku gsum po yi khang bzang mngon par dga' ba 'dzegs par gyur/ /'jam dbyangs mi'i srid pa 'dzin pa sa skya paNDi ta kun dga' rgyal mtshan dpal bzang po'i rtogs pa brjod pa bskal pa bzang po'i legs lam las/ myang 'das kyi sarga de bcu gcig pa'o// //e ma dpag bsam dge ba'i rtsa ba yang dag pa'i/ /bsam pas rjes su 'brel ba'i yal ga mchog chen gyis/ /srid dang zhi ba'i chos char zad mi shes stsol ba/ /legs byas yongs su 'du ba'i rkang pas 'thung don che/ /sa la ye shes sems dpa'i mdzod/ /nam mkha' ma zhig bar dag tu/ /bcas pa'i phrin las ri byi yi/ /hub tu 'khor ba'i rgya
ri byi ni ag sta ste/ de yang sngon gyi dus na rlung thob dang sar ldan zhes bya ba'i lha ma yin spun gnyis yod pa dag gis drang srong rnams mgron du bos te/ rlung thob kyi lus dum bur byas pa'i kha zas kyi bsnyen bkur rnams de dag gis zos pa dang / sar ldan gyis phyi rol nas rlung thob tshur shog ces bos pa'i rjes thogs su gang gis zos pa de rnams kyi lto ba phug nas phyir byung ba dang / drang srong lhag ma rnams kyis lha min de dag bsad pa'i don du drang srong chen po a gasta la gsol ba btab bo/ /re zhig na a ga sta yang mgron du bos nas sngar bzhin du byas rjes/ rlung thob gar song zhes bos pa dang / drang srong gi sgreg pa ston te/ /de ni zhu bar byas zin to zhes khro bas 'khrugs nas sar ldan yang zos so/ /de'i nus pas skom pa stobs dang ldan par gyur nas/ /mtsho dang rjing bu sogs gang yod pa rnams 'thungs kyang ma ngoms te rgya mtsho chen po yang 'thungs so zhes rig byed kyi gtam rgyud nas bshad pa dang sbyar
mtsho song / /chos de'i dbyar las skyes pa yi/ /lto ba bdud rtsi'i do shal du/ /ring ba'i rgyun dag chad med pa/ /rba rlabs de yi 'od kyang bsil/ /de phyir bstan pa'i bdag nyid du/ /grags pas sa gsum zos gyur pa'i/ /snying po'i skyes rabs sangs rgyas kyi/ /mthu dang yon tan 'dir mngon ltos/ /'gro ba'i bsod nams dpal be'u'i/ /mtshan ldan rkang pa'i rgyal mtshan che/ /'chi med