[A:279]pas phul/ /dug gsum drag po sbrul gyi zas can snying / /zag med nor bu'i char yang baiDUrYa
nam mkha' lding rdzus skyes rnams kyis dug sbrul zos pa'i stobs kyis 'chi ba'i tshe/ lus mer bsreg cing / snying rin po che baiDUrYa'i rang bzhin du 'gyur ba mdo sde dgongs 'grel gyi 'grel chen las bshad/
gyur ba'i rang bzhin mkha' dang 'grogs pa yi/ /yon tan gcig tu ston pa'i snang bas spud/ /rmongs pa mtha' dag 'phrog pa shes bya'i rab/ /sngon med yi ge'i lus su tshangs dbang skyes/ /dpal gyi mgrin pa anda rnyil khams las/ /grub pa'i tshangs pas sbyin sreg byas pa'i me nang du dpral ba'i rdul lhungs pa las dbang phyug skyes pa rig byed kyi gtam rgyud dang sbyar
ngo mtshar ri mo'i phreng ba hor yig gsar du grags pa de
bkod/ /chos log mkhan po tha shang dal gyin gyi/ /rjes su 'brang ba'i zin shing ston pa bcur/ /bdun lhag nyid kyi lta ba ngan pa'i gdon/ /lung dang rigs pas tshar bcad rjes su gzung / /dam tshig bshes kyi mgon po bran bkol ba'i/ /rdzu 'phrul bsam mi khyab pa'i 'du 'god kyis/ /las rnams thogs pa med pa'i sgrub tshul ni/ /bden pa'i dpang par kun gyi yid ches skyes/ /rgyal po de la phas kyi rgol pa po/ /mi bsrun sog le'i sems su 'chang rnams la/ /kha'u'i brag ri gnam lcags gtum pa'i char/ /phab pa'i g.yul ngo phyis mi bshams par rlog /rin chen rdul brtsegs pham byed ri bo'i rtse/ /lnga ru 'phags pa'i khang bzang 'dzegs pa'i tshe/ /'jam pa'i dbyangs la sa skya'i paNDi tar/ /rgyal bas mtshan du bsngags pa de byon nas/ /sangs rgyas theg pa'i nges gsang 'khrul med pa/ /nyams len mngon par rtogs pa'i gnad thams cad/ /bstan pa'i dus de nas gzung lo 'bum dang / /stong 'das pa na khyod 'tshang rgyal 'gyur zhes/ /srid zhi'i pha rol 'gongs pa'i snyan sgra ni/ /ma lus 'gro ba'i sems kyi gnya' shing du/ /brjid pa'i yang dag lam rol zhugs pa la/ /sku bzhi'i sa bon thebs pa'i nus par ldan/ /smon lam dkar por yangs dang bran dbang las/ /byung ba'i mi 'jigs