[A:155]
pa bde bar gshegs pa'i snying po mngon du gyur
pa'i gzugs can dam pa rigs brgya'i mdzod/ /ma lus par
yongs su rdzogs pa'i mkha' dang dbyer med mtshan mara 'dzin pa thams cad
spangs kyang gzhan phan snying por che spyod tshul du bstan nas
/ /sems can gyi
bsam pa'i ri yi khams te tshon ris nyid
kyi chu gter sna tshogs su shar ba'i
mdog can de dag dam pa'i
brtse dga' rin chen gyi
phung po mthon po de
yi/ /'dzum gyis nam yang
mi gtong ba'i
bskal pa 'di shin tu
bzang ngo ci'i phyir zhe na
e ma yid bzhin gyi
nor bu'i skye ba 'dzin par mdzad pas so
/ /gdung gi skye ba 'dzin/ /nor ldan ma ste sa gzhi
'di'i rgyan du srid pa yis/ /byin pa'i 'am bskos pa
'i gangs ri dpal gyi do shal can zhes pa bod gangs can 'di'i
/ /lto bar chos kyi rgyal srid bla na med/ /dpal ldan
sa skyar grags pa'i ri mo phyogs su ring ba yod do
/ /'jam pa'i
dbyangs lan grangs
bdun sogs skye ba brgyud mo'i gzi brjid kyi
sa/ /mun pa'i yid can rmongs pa
ma lus pa
'bros pa ste med par
byed la/ /shAka thub bstan pa'i rgyal mtshan chen po sa skya
'dir 'dzugs so
zhes/ /dI paM ka ras zhes pa jo bo mar me mdzad de nyid mnga' ris stod na bzhugs pa 'brom ston gyis gdan drangs/ lam bar la sa skya'i phyag 'tshal sgangs su phebs dus sa dkar po de'i logs la dhIHyig bdun dang hUM yig gcig 'dug pa gzigs pas phyag mchod mdzad/ 'khor rnams kyis rgyu mtshan zhus pas/ ma 'ongs pa na pha gir 'jam dbyangs kyi sprul pa bdun dang / phyag rdor gyi sprul pa gcig byon nas/ sangs rgyas kyi bstan pa rgyas par 'gyur ro zhes
lung du bstan pa'i sa/ /dus ring chang rter bzung bas nyi ma de yang
ni/ /myos pa bzhin du 'od zer skyugs ting nge 'dzin gyi yon tan rgyan
pa yis/ /sdigs mdzub gtad pa'i
sen mo'i kha ris spags pa can/ /bi rU pa des dngos su
byin gyis brlabs pa'i gnas kyang yin no
/ /nges pa lnga yi sgra gcig la don gnyis su sbyor yang rung ste/ brten pa la dus nges pa/ gnas nges pa/ ston pa nges pa/ 'khor nges pa/ chos nges pa dang / rten la nor bu'i bye brag nges pa lnga'i
rin chen khang bzang nang / /zung 'jug kha sbyor yan lag bdun gyi
rang bzhin can
/ /grub pa rdo rje 'chang gi 'byung gnas chena po
/