[A:168]rig
pa'i
rtsa ba sbom po dang ldan pa
yi/ /ljon pa gyong po
rengs pa de dag
sgyel ba
la nges par
rtsub bo 'gal rgyan
/ /sde bzhi'i
re ba gang yin pa
mtha' dag char pa ru/ /'bab na thar 'dod kyi gang zag
sa rangga ste khug rta rnams
/ /chos kyi sprin pa nyag gcig la/ /yengs med lta ba'i ngal bas ci zhig bya ste dgos pa med do 'gog rgyan
/ /legs ldan 'gro ba rnams
la legs byas kyi
tshogs/ /sdug por sbyin pa
mang zhing de don la
gdung ba
med pa/ /bsngags par
'os pa'i
ya mtshan shin tu
yangs pa 'di
yi/ /khor yug gi
khongs su su zhig
ma tshud de thams cad tshud
/ /'khrul pa med pa'i chos
lam bzang po'i srol
/ /phye ba'i mthu dang ldan pa'i
dpung pas don dam pa/ /phyir mi bzlog pa'i sa kun ni/ /'khyer bar
bzod pa'i pha rol phyin pas ster bar mdzad la
/ /kun rtog gi
ri mo dang
rmi lam la yang
/ /rnyed par
dka' ba 'di ni srid pa
spyi yi gtsug gi
rgyan du/ /bsam bzhin du byon pa'i
yid bzhin gyi nor bu/ /rnam par
dag pa'i
snying po 'dir gus pas
phyag byos shig par bka' stsal to
/ /de bzhin
bden pa'i nor ldan tshig re la/ /thar pa'i 'byor pa phun sum tshogs pa
'bum phrag tu
'khyil pa de nyid
/ /rna bar drangs pa'i yab dang yum gnyis ni
/ /dga' ba'i nang du zhugs gyur te/ /gzhon nu tshes gcig zla ba nas/ /dkar po'i phyogs su lhungs pa de'i/ /dkyil 'khor gang bar brtsam par
bya ba la
/ /yar gyi ngo chen phyar bas bkur bar byas so
/ /skabs der dgun gsum srin mo khros pa yi/ /kha rlangs rlung dmar g.yengs pa'i nad chen las/ /thar pa dpyid kyi bu mo utpa la'i/ /mig yangs ma de kun dga'i rtse dgar byung / /rin chen 'dab gser gyi padma
brgya'i khams kyis rkang pa
drug pa'i/ /tshogs kyang gser du snang ba rab tu
'byams pas/ /rang gi 'od du rloms la dregs pa'i sgras/ /ge sar rdul rnyed 'thor ba'i bla re bres/ /bud med mdzes ma'i kha'i chang gis ba ku la'i me tog kha 'byed pa rtog ge 'bar ba na bshad pa bzhin
'gram pa'i dbang gi chu bo'i chang / /nub pa med pa'i rgyun gyi ba ku la'i/ /me tog gol ba'i byed pa de mthong