[A:170]'phel 'grib med kyang nag phyogs dri ma can gyis ma mthong tshe/ /bdud rtsi'i zer dkar dbab
ba'i
slad du
cha shas gang bar brtsams pa thog ma'i zla ba de/ /tshes pa kho nas 'jig rten du ni mtshungs pa
med pa'i
legs byas kyi 'jug pa
dang po'i pho nya yin no
/ /de ltar rgyal ba'i myu gu gzhon nu
/ /gsar pa las kyang
gsar pa'i dpal de gang / /lang tsho
dar ba'i thabs tshul bye ba brgya'i/ /sgor zhugs te
ma mas bskyed bsrengs pa'i
tshe/ /rigs mchog ka la ping ka yi/ /phru gu sgo nga'i dus nyid nas/ /mgrin pa'i longs las ga ma'i ka'i glang po'i nga ro'i rgyud
/ /rgyud ldan stong gi glu len par nus pa
ji bzhin du/ /sngon gyi
skye ba mang po
'i bag chags kyi tshe
'di la ngag smra ba'i
/ /'jigs pa med pa'i mthu dang ldan pa'i
legs sbyar gyi
skad/ /spobs par zil gyis mi non pa
smra ba'i sgra lce'i sgra skad
du ma'i/ /yi ge nges par
rtogs par
dka' ba rnams rang grol du
rgyu ba dang / /dam pa'i rtse dga' dgod pa dang
'dra ba'i
/ /sen mo'i kha ris kyi
'od zer gyis/ /bdud kyi tshong
la mun pa spro bar mi 'os pa'i rgyu'i rkyen
byed pa'i/ /mdzub rtse dbyangs can pir de yis/ /rgya gar yi ge'i ris du ma'i/ /A li dang
kA li'i phreng ba yi/ /do shal tshar du dngar ba zhig /nor 'dzin gyi
dpal mo'i rgyan du bris so
/ /de'i tshe yum gyi bsam pa la
byed po te tshangs pa
rna ba brgyad pas kyang / /thos pa
dang shes par
dka' zhing gang zag
gzhan gyi
blo yi/ /spyod yul las 'das 'di ni ci zhig yin snyam du
/ /sems te the tshom 'phyang mo yug tu gyur
bzhin du
yum de nyid
/ /mngon par phyogs nas de lta bu'i/ /tshul de dam pa rigs brgya'i bdag /rje btsun
grags pa'i rgyal mtshan la gsol zhing / /spyan drangs la
mdun sa der de bstan no
/ /gzhon nu des
ming dang
tshig gi
gad mo'i cang te'u/ /yangs por 'khrol ba'i skye gnas kyi rtsa ba
can/ /yi ge
dbyangs dang
gsal byed kyi
sgra yi zlos bu'i gar kun gyi rna bar snyan pa
/ /ldab ldib med par sgra shin tu
dag pa
ldan par
rdo rje'i ljags kyis bsgyur zhing bklags par mdzad nas
/ /yig 'bru rer yang chos rnams kun/ /skye med lha yi sa bon du/ /sangs rgyas gsungs las 'khrungs pa yi/ /snang brnyan mchog tu gzigs nas