[A:189]po'i man ngag sogs/ /zab don chos kyi bdud rtsi bzhes/ /bod yul mkhas pa'i dbang phyug chen po pa/ /
gzhon nu
smra ba'i seng ge'i sgra dbyangs bsgrags tsam gyis/ /log par lta ba'i ri dwags drung 'byin pa/ /klog pa'i slob dpon chen por nges gzung ste/ /bod kyi rgan po'i ngag sgros las byung ba'i/ /yod med mtha' dang bral ba dbu ma'i lam/ /rtog ge'i lus brgyad ston pa tshad ma'i gzhung / /nges don byams pa'i chos lnga la sogs gsan/ /rgyal sras byang chub 'od las thob pa gang / /theg pa chen po'i sems bskyed cho ga dang / /brgyad stong rtsa 'grel mngon par rtogs pa'i rgyan/ /'grel par bcas dang nyi khri snang ba che/ /gzhan yang mngon pa kun las btus/ /'grel bcas byang chub lam gyi sgron/ /bden gnyis chos chung brgya rtsar grags/ /blo sbyong gzhung dang gdams pa'i lugs/ /skabs brgyad cig car sgom pa dang / /rim lnga stan thog gcig ma dang / /zhi byed spyod yul rim pa dang / /gsang sngags snga 'gyur rdzogs chen dang / /sgo skyong chen po nA ro pa'i/ /zab lam snying po'i chos drug sogs/ /mdor na rgyal bas gang gsungs pa'i/ /mdo sngags bstan pa'i bdag por gyur/ /mkha' la mkha' gos dbyar gyi ma mas byin pa'i sprin sngon rol pa'i thig le de nyid
gtsug phud rma bya
can nyid kyi/ /mig gi bgos skal tsam du zad kyi nam mkha'i
rang bzhin mtha' dag gos pa'i pha rol gyi
mtha' mthong ba ga la zhig ste mi mthong ngo
/ /de bzhin gang gis mang du thos pa'i yon tan phung pos mtho ba'i grangs mtha' 'di yang rang nyid kyi/ /blo yi 'jug pa'i bgos skal tsam du nges kyi ma lus brjod pa'i spobs pas min no ste brjod kyi mi lang ba yin
'gro ba kye/ /'jam dbyangs mi'i srid pa 'dzin pa sa skya paNDi ta kun dga' rgyal mtshan dpal bzang po'i rtogs pa brjod pa bskal pa bzang po'i legs lam las/ /rgya bod kyi