[A:216]pa kye
zhes bod nas
/ /gzhan gyis mi thub khyod rgyal nga pham mo zhes brjod de
/ /drang srong de'i bsam pa la
dug gsum nag po'i skye sa yangs pa'i srid/ /rdul mun snying gi stobs su gso ba'i lhas/ /mchog gi dngos grub chen po ga la zhig /sems pa'i skyabs gnas de las rgyab kyis phyogs par byas nas smras pa
/ /rtag dang chad pa'i ri bong mtshan ris su/ /lhung ba'i rab rib gnas skabs ngan pa'i rtags/ /du mar zhen pa mtshan mo'i bshes btang la/ /nang gi zla ba dag pa'i bder mngon 'gro/ /las kyis bris pa'i ri mor mi 'char med/ /phrag dog drag po'i sems ldan sdig pa'i rgyu/ /byas pa de yang dge ba'i grogs po bzhin/ /khyod lta bsod nams yangs pa'i mthong don che/ /sngon sangs rgyas pa rnams kyis ma grol ba'i/ /mtha' yas sems can srid pa'i lam ring du/ /dub pa'i khur brten rgyu med kun gyi gnyen/ /gyur la su zhig gus pa'i sa ma yin/ /spangs dang rtogs pa phul du byung tshogs pa'i sangs rgyas dang
/ /skyon med bden pa dam pa'i sgra zab la rgya che ba'i chos dang
/ /dge bar sbyor ba'i blo gros zad mi shes pa'i dge 'dun te
/ /dkon mchog gsum la nges par skyabs su song / /mya ngan 'gro ba'i dug 'phrog thar pa'i dpal/ /'byor pa 'chi med rtag pa'i ro bro ba/ /rab zhi bdud rtsis dbang bskur khyod bstan sgor/ /'jug par 'tshal lo mgon po zhes bod nas bdag la nges par
rjes brtser mdzod/ /de yis nag po'i phyogs su gnas pa kun/ /spyi bor mi 'grog slad du ral pa yang / /bcad bzhin lhungs pas dbang po'i sa'i lha mo/ /'gram pa lan bu'i 'khri shing g.yo bzhin rgyan rab rtog rgyan
/ /lhag pa tshul khrims la sogs
bslab pa gsum gyi gzhal yas khang nang du/ /bcug la shAkya'i dbang po'i brtul zhugs gzung / /legs par gsung gi skas la rang sems 'dzegs/ /phyir mi ldog pa'i sa la mnga' dbang phyug /de ltar lung rigs smra ba thams cad kyi/ /gtsug na nor