[A:5a]bsgrub pa bka' brgyad dang / 'dus pa mdo'i dbang la sogs pa gsang sngags rnying ma ba'i chos bskor gyi dbang lung man ngag la sogs pa mtha' dag yongs su rdzogs par gsan no/ de dag ni bsten yun ring la mkhas par sbyangs shing bka' drin che ba'i yongs su 'dzin pa rnams yin la/ bka' drin mtshungs pa med pa ni brag thog pa chen po'o/ yang / dbang / rjes gnang / lung / man ngag tsam gsan pa ni/ zhwa dmar cod paN 'dzin pa sprul sku chos kyi grags pa ye shes dpal bzang po/ paN Di ta chen po dpal nags kyi rin po che/ zhwa lu rin po che grags pa rgyal mtshan/ snye thang chos rje blo gros brtan pa bzhi pa/ 'tshal min mkhan po ngag dbang pa/ mkhan chen byang brtson pa la sogs pa'i mkhas grub mang du yod do/ gzhan yang / bka' lung rnam dag 'dug na gang zag rang dga' ba yin kyang / rang nyid mkhas pa dang che ba'i nga rgyal mi mdzad par/ bstan pa dang sems can don la dgongs nas gus pa dang bcas te gsan par mdzad do/ de ltar na/ bdag nyid chen po 'di nyid mdo sngags thams cad kyi bdag po yin yang / ding sang rdo rje theg pa'i bstan pa la dgongs nas/ spyir gsang sngags gsar rnying thams cad dang / khyad par/
dpal sa skya pa'i bstan pa rdo rje theg pa'i skad du smra ba rnams kyi gtsug gi nor bu lta bur gyur tai/ sa skya 'khon gyi gdung brgyud kyis gtso mdzad/ bod dbus gtsang gi bla ma dge ba'i bshes gnyen mkhas grub rnams la/ chos kyi