[A:65a] e ma gser sdings chos brgyud 'di/ /gras thag yun ring bcad gyur pas/ /bla ma snying la zhugs so snyam/ /sgro 'dogs sems la chod nas thal/ /de 'dra go ba'i 'phags pa lags/ /med kyang ku re byas pa lags/ /skal ldan 'gro la phan gyur cig /ces gsungs so/ /de rnams kyi dbang byin rlabs thams cad dang / chos skyong kha che mgon nag dang / mgon nag zhal gsum phyag drug pa'i skor dang bcas pa rnams bla ma chos sku pa'i drung du thob cing / der yang sgro 'dogs bcad pa las nam langs pa la nyi ma shar ba bzhin gyur te/ e ma ho/ kun mkhyen bla chen byin rlabs kyis/ /nam langs pa la nyi shar ltar/ /khyad par 'phags pa'i 'od ldan pa/ /deng sang kho bo yin pa snyam/ /zhes gsungs so/ /de nas re zhig na lho sgor hor dmag zhugs nas zos mi bde dang / mu ge chen po byung nas 'tsho ba shin tu dka' bar byung ba'i tshe/ bud med gcig zan gyi gzugs brnyan mang po la mar dang / 'khur ba la sogs pa mang pos brgyan nas lha la mchod pa byed kyin 'dug pas/ bla ma 'dis dgongs pa la mos 'di dag dor song ba dang blangs pas zhag 'ga' zhig gi thug thal 'ong ba 'dug snyam pa dang / mos mchod pa zin nas snod du bcug ste khur song ba na/ thugs la re ches na bslu dogs nas 'ching bar thag chod/ 'jig rten la re ba bcad nas bcud len sna tshogs mdzad de lce chung gi bdud rtsi myang ba ka mchog tu byung gsungs/ de nas bod