[A:67a] sreg pa lung pa'i sbyor drug gyi jo lugs kyi sbyor drug dpe med mchog gi sbyor drug paN chen shAkya shrI'i sbyor drug rwa pa'i sbyor drug rtswa mi'i sbyor 'phreng / a rgyan pa'i snyan brgyud/ dbang mdor bstan la sogs pa'i rgyud phran/ gzhung phran/ mtshan brjod rtsa 'grel/ dus 'khor gyi dbang bka' la sogs mang du zhus so/ /de nas lam 'bras kyi yig cha brtsams pa'i yig mkhan yang mdzad nas lam 'bras kyi skor thams cad rdzogs par zhus/ gzhan yang phyag chen gang gA ma dang / thugs rje chen po'i smar khrid/ nyi zla bsgrub pa/ ye shes spyan sgrub la sogs pa'i man ngag rnams dang / dgongs 'dus la sogs pa rnying ma 'ga' yar dang / rdzogs chen sems phyogs dang / rgya'i ha shang gi man ngag gi skor rnams gnang ngo / /de'i dus su bdag dus 'khor 'di la da dung slob gnyer zhig byed/ sgra tshad pa mkhas par grags gda' bas de'i drung du 'gro zhus pas/ de tsho shes rab che bas shes rab kyi rtsal gyi bshad pa yin/ brgyud pa'i man ngag dang mi ldan pas der 'gro ba 'os min/ rwa 'bro gnyis ka'i brgyud pa'i man ngag gi gtugs sa yin pas rong du song gsungs nas/ bla ma shes rab seng ge ba'i drung du byon/ dus kyi 'khor lo sku gsung thugs yongs rdzogs kyi dbang zhus nas/ rgyud 'grel la sbyangs pa mdzad nas/ dka' gnas la bshad pa zab pa byung tsam na 'phral du glegs shing la yi ger bris/ de'i 'phro rnams chos thun grol ba na zhus/ de yang yi ge la btab/