[A:68a]mdzad pa'i yig mkhan yang mdzad do/ /de nas chos rje kun spangs pa gshegs pa'i rjes su jo mo nang du byon pas/ byang sems rgyal ye'i dbon po rnams sbrad nas/ btsun chung 'di pa slob gnyer byed du 'jug pa yin pas dus 'khor gsung ba zhu gsungs nas/ dpon pos gtso mdzad dge bshes mang po la dus 'khor 'grel chen rgyud rnying la sogs pa mang du gsungs shing / de'i tshe bla ma byang sems rgyal ye la dus 'khor yongs rdzogs kyi dbang / rgyu rnying / grub rnying gi skor/ mtshan brjod 'grel pa sogs mang du zhus so/ /de nas dbon pos bde chen du gdan drangs nas der yang gsungs shing / dus 'khor mkhas rab shes pa dang / blo kha phyogs pa dang dad pa thob pa mang du byung / der bla ma grags chen pa dang zhal mjal nas chos phar zhu tshur zhu mang du mdzad de/ jo bo lugs kyi gsang 'dus 'phags skor gzhung phran man ngag dbang bka' khrid bka' dang bcas pa/ chag lugs kyi gsang 'dus 'phags skor gzhung bshad dbang bka' gzhung phran dang bcas pa/ dpyal lugs kyi 'phags skor/ sa lugs kyi 'phags skor/ sa lugs kyi kyai rdor dang / bdag med ma'i dbang byin rlabs sgrub skor dang / rgyud gsum man ngag dang bcas pa/ gur mgon gyi skor la sgrub thabs las tshogs mang po dang bcas pa/ sa lugs kyi lU nag dril gsum gzhung gdams ngag dang / jo bo lugs kyi lU nag dang / rin chen rgyal mtshan gyi dbang bka' bshad bka' man ngag dang bcas pa/ jo bo lugs