[A:81a]phyag na gnyis/ chung ba slob dpon rin chen rgyal mtshan dang / ye 'byung gnyis te bzhi byon pa'i nang nas sa chen gyi sras bzhi/ chos rje khu dbon gnyis/ zangs tsha ste 'jam dbyangs bdun brgyud dang / yang ye 'byung gi sras bdag nyid chen po nas sa skya pa'i gdung brgyud rin po che zam ma chad pa byon nas 'gro ba mang po'i don mdzad pa 'di yang / bla ma gnam kha'u pa chos kyi rgyal mtshan 'di kho na'i bka' drin yin te/ de yang bla ma sgyi chu ba gshegs pa'i zhal chems la/ sa chen la khyed rab tu byung la 'khon tsho'i sde 'di khyongs gsungs pa bzhin bla chen gyis ser chas bsgrubs nas rab tu byung bar brtsams pas/ de nyid bla ma gnam kha'u pas dgongs nas/ bla chen la nga'i drung du shog gsungs pa byung nas byon pa na/ khyed ser chas bsgrubs nas ci byed gsungs/ rab tu 'byung ba lags zhus pas/ ma byed gsungs bla ma sgyi chu ba'i gsung yin zhus pas/ bla ma mnyam po la khong shi bo'i gsung las/ nga gson po'i ngag la nyon rab tu ma byung na phan che ba yong gsungs nas ma gnang bar brten/ de nas bla chen 'dis slar gdung sras spel ba la brten/ 'jam dbyangs bdun brgyud sogs bar ma chad par byon nas sa skya pa zhes pa'i snyan grags srid pa gsum na cher gsal zhing kha ba can gyi skye dgu mtha' dag smin grol la bkod de/ 'dzam gling byang phyogs 'dir rgyal ba'i bstan pa nyin mo ltar gsal bar mdzad pa'i dge legs kyi rgyun 'di bzhin byung ba yin no/ /de lta bu'i bla ma gnam kha'u pa'i drung du rje btsun 'dis mtshan nyid skor la byams chos sogs mang po dang / sngags la